Heydər Əliyev prospekti yenidən qurulur … – FOTOLAR

Xaçmaz rayonunda quruculuq-abadlıq işləri sürətli şəkildə davam etdirilir.

Etikxeber.az-ın xəbərinə görə, xüsusilə də, rayon ərazisindəki yolların yenidən qurulması və təmiri istiqamətində işlər geniş vüsət almaqdadır.

Bu günlərdə rayonun ən böyük küçəsi-prospekti olan Heydər Əliyev prospektinin yenidən qurulması və təmirinə start verilib.

Rayonda tikinti quruculuq-abadlıq işlərinin genişləndirilməsində, həmçinin, yolların yenidən qurulması və təmir işində də əsas təşəbbüskar rayon İcra Hakimiyyətinin başçısı Şəmsəddin Xanbabayevdir.

Məhz onun təşəbbüskarlığı, işgüzarlığı, təşkilatçılığı və gərgin fəaliyyəti nəticəsində Xaçmazın siması gündən- günə dəyişməkdə və gözəlləşməkdədir.

Təbii ki, bu işlərdə Azərbaycan dövlətinin və dövlət rəhbərinin bütün regionlar kimi, Xaçmaza da xüsusi qayğısı, diqqəti və dəstəyi böyük rol oynamaqdadır.

Bütün xaçmazlılar isə dövlət başçısının və Azərbaycan dövlətinin bu bölgəyə diqqət və dəstəyini də daim yüksək qiymətləndirib və qiymətləndirirlər.

Qeyd edək ki, artıq adıçəkilən prospektdə aparılan yenidənqurma və əsaslı təmir işlərinin çox yaxın günlərdə başa çatacağı və yol-nəqliyyat hərəkətinin yenidən tam gücü ilə işə düşəcəyi gözlənilir.

Həmçinin, qeyd edək ki, Heydər Əliyev prospektində aparılan yenidənqurma və təmir işlərini yaxından izləmək və görülən işlərlə tanış olmaq üçün adıçəkilən rayonun millət vəkili Eldəniz Səlimov da icra başçısı Şəmsəddin Xanbabayevlə birlikdə axşam saatlarında həmin ərazidə olublar.

Millət vəkili həmçinin yerli sakinlər, seçicilərlə görüşüb, onları dinləyib.

Etikxeber.az