İki medallı və bir ordenli, ailənin tək övladı-ŞƏHİD HƏSƏNAĞA ABDULLAZADƏNİN MƏZARININ ZİYARƏTİ VƏ ANIM MƏRASİMİ – MƏRASİMDƏ ŞƏHİDİN 27 İLLİK QISA, LAKİN ŞƏFƏRLİ HƏYAT VƏ DÖYÜŞ YOLUNDAN SÖZ AÇILIDI, ADINA EHSAN VERİLDİ – FOTOLAR – YENİLƏNİB – (7)

Bu gün Lənkəranın (həm də Bakının) İkinci Vətən Müharibəsi Şəhidlərindən olan evin-ailənin tək övladı, ali təhsilli hərbçi, Baş leytenant, iki medallı və bir ordenli Həsənağa Şakir oğlu Abdullazadənin Anım Günü ilə bağlı Suraxanı rayonunda yerləşən “Elçin” şadlıq sarayında anım mərasimi başlayıb.

Etikxeber.az xəbər verir ki, anım mərasimindən öncə Şəhidin İkinci Şəhidlər Xiyabanındakı məzarı ziyarət olunub.

Ziyarətdə Şəhidin valideynləri, yaxınları və digər şəxslər iştirak ediblər.

Məzarı üzərinə gül dəstələri düzülüb, ruhuna dualar oxunub.

Ziyarətdən sonra “Elçin” şadlıq sarayında anım mərasimi başlayıb.

Mərasimdə Şəhidin valideynləri-Səmilə xanım və Şakir kişi, yaxınları, Lənkərandan, Bakıdan, Sumqayıtdan və digər bölgələrdən olan Şəhid ailələri, Qazilər, hərbçilər, din xadimləri və başqa şəxslər iştirak edirlər.

Mərasimdə Şəhidlərin xatirəsi bir dəqiqəlik sükutla yad olunub, Dövlət himni səsləndirilib, Şəhidin və Şəhidlərin ruhuna dualar edilib.

Sonra Şəhidlə bağlı video-çarx nümayiş olunub.

Daha sonra çıxışlar başlayıb.

Çıxışlarda Şəhidin ailəsinə bir daha başsağlığı verilib, bir daha onlara Allahdan səbr və dözüm arzulanıb.

Eyni zamanda, Şəhidin keçdiyi 27 illik qısa, lakin şərəfli həyat və döyüş yolundan bəhs olunub.

Şəhidin valideynləri də öz növbəsində mərasim iştirakçılarına minnətdarlıqlarını bildirib, onları belə bir gündə tək buraxmadıqları üçün hər kəsə təşəkkürlərini ifadə ediblər.

Eyni zamanda, tək övladları ilə Fəxr etdiklərini, Qürur duyduqlarını bildirib, Şəhidliyi ilə bir gecədə onun bir ailənin övladından bütün Azərbaycan xalqının övladına çevrilməsindən İftixar hissi keçirdiklərini dilə gətiriblər.

12:05

***

FOTOLAR:

NUR ÜZLÜ HƏSƏNAĞA…