Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün daha iki Şəhidimizin-İkinci Vətən Müharibəsi Şəhidləri – Nicat İbişov və Aqil Mirzəliyevin doğum günü, mövlududur.
Bu, onların həm də Cənnətdəki ilk ad günüdür.
Nicat İbişovun 21, Aqil Mirzəliyevin 22 yaşı tamam olur.
Hər iki Şəhidimiz avqust ayının 27-sində anadan olublar.
Etikxeber.az-ın xəbərinə görə, Nicat İbişov əslən Zərdablı olsa da, Mingəçevirdə dünyaya gəlib.
Aqil Mirzəliyev isə İsmayıllı rayonunun özündəndir.
Nicat İbişov ötən ilin oktyabrın 10-unda Suqovuşan istiqamətində döyüşlərdə Şəhid olub, lakin nəşi 15 gün sonra əldə edilib və Mingəçevir şəhər Şəhidlər Xiyabanında torpağa tapşırılıb.
Aqil Mirzəliyev isə oktyabrın 20-sində Xocavənd rayonunun Tuğ kəndi istiqamətində döyüşlərdə qəhrəmancasına həlak olub, Şəhidlik məqamına ucalıb.
Nəşi 3 gün sonra, oktyabrın 23-ündə İsmayıllı şəhər Şəhidlər Xiyabanında dəfn olunub.
Nicat ailənin tək oğlu, Aqil isə evin iki oğlan övladından biri olub.
Aqil həm də ali təhsilli olub.
Eyni zamanda, hər iki Şəhid subay olub.
Hər iki Şəhidimiz ölümündən sonra medallarla təltif ediliblər.
Bu gün Cənnətdəki ilk doğum günləri ilə bağlı Mingəçver şəhər Şəhidlər Xiyabanı və İsmayıllı şəhər Şəhidlər Xiyabanında Şəhidlərimizin məzarları ziyarət olunacaq, üzərlərinə gül dəstələri düzüləcək, əklil qoyulacaq, onların ruhların dualar ediləcək.
Sonra hər iki Şəhidin yaşadığı evdə mərasim keçiriləcək.
Ziyarət və mərasimdə Şəhidlərin ailə üzvləri, yaxınları, Mingəçevir və İsmayılı sakinləri, Şəhid ailələri, Qazilər, məktəblilər, din xadimləri və digərləri iştirak edəcəklər.
Hər iki Şəhidimizin mövludu, Cənnətdəki ilk ad günü mübarək, məkanları cənnətlik olsun.
Nur içində yatsınlar!
Ruhları qarşısında baş əyirəm, baş əyirik!
Kamil HƏMZƏOĞLU (HƏMİDOV)
Etikxeber.az
