“İnsanların böyük əksəriyyətindən daha çox şey bilirəm, bu vəzifəyə namizədliyi irəli sürülmüş hər kəsdən daha çox təcrübəm var”-BAYDEN

İkinci müddətə yenidən seçilmək istəyən ABŞ prezidenti Co Bayden özünü bütün dövrlərin prezidentliyə ən təcrübəli namizədi adlandırıb.

Etikxeber.az-ın xəbərinə görə, Bayden bunu MSNBC-yə müsahibəsində deyib.

Yaşının çox olmasına baxmayaraq, niyə özünü yenidən seçilməyə layiq hesab etdiyini soruşduqda, 80 yaşlı ABŞ lideri “Mən insanların böyük əksəriyyətindən daha çox şey bilirəm, bu vəzifəyə namizədliyi irəli sürülmüş hər kəsdən daha çox təcrübəm var” deyib.

ABŞ prezidentinin sözlərinə görə, o, “dürüstlüyünü və səmərəliliyini sübut etdiyinə” inanır.

Qeyd edək ki, ABŞ-da növbəti prezident seçkiləri 2024-cü ilin noyabrına təyin edilib.

Etikxeber.az