Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
İsmayıllı rayonunun İkinci Vətən Müharibəsi Şəhidlərindən olan Fərid Hamlet oğlu Əliyevin doğum gümüdür.
Fərid Əliyevin bu gün 23 yaşı tamam olur.
Bu, həm də Şəhidin Cənnətdəki dördüncü doğum günü, mövlududur.
Etikxeber.az xəbər verir ki, Fərid Əliyev 22 mart 2001-ci il tarixində İsmayıllı rayonunun Kürdmaşı kəndində dünyaya gəlib…
Valideynləri ali təhsilli-müəllimdirlər…
Fərid ailənin iki övladından biri, həm də evin tək oğlu olub…
Tək bacısı hazırda ali məktəb tələbəsidir…
O, 2007-ci ildə C.Həsənov adına Kürdmaşı kənd tam orta məktəbinə gedib…
2018-ci ildə həmin məktəbi bitirib və sənədlərini Heydər Əliyev adına Azərbaycan Ali Hərbi Məktəbə verib…
Qabiliyyətdən keçsə də, imtahandan yüksək bal toplaya bilmədiyi üçün həmin Ali Məktəbə daxil ola, peşəkar, ali təhsilli hərbçi olmaq arzusuna çata bilməyib…
Fərid elə həmin il İsmayıllı Dövlət Humanitar və Texnologiya Kollecinin “Turizm və onun təşkili” ixtisasına daxil olub…
Amma 2019-cu ildə təhsilinə fasilə verərək, həqiq hərbi xidmətə, Vətənə xidmət borcunu yerinə yetirməyə yollanıb…
İkinci Vətən Müharibəsinin ilk günündə döyüşlərə atılıb və elə sentyabrın 27-də-Füzuli istiqamətində ağır döyüşlərdən birində qəhrəmancasına Şəhidlik məqamına yüksəlib…
Nəşi bir gün sonra doğulub boya-başa çatdığı Kürdmaşı qəbiristanlığında torpağa tapşırılıb…
O, eyni zamanda, Kürdmaşının iki İkinci Vətən Müharibəsi Şəhidindən biridir…
Şəhidliyindən sonra medallarla təltif olunub…
Ancaq valideynləri həm də övladlarının ölkənin ali ordenlərindən biri ilə təltif olunmasını istəyir…
Kürdmaşı kəndində Şəhidin adını daşıyan küçə var…
Fərid həm də subay olub…
Məkanı cənnətlik, Cənnətdəki dördüncü doğum günü, 23 yaşı mübarək olsun!
Nur içində yatsın!
Kamil HƏMZƏOĞLU
Etikxeber.az
