London polisi tərəfindən saxlanılan AZAL-ın bələdçiləri buraxıldı – FOTO

“London polis tərəfindən saxlanılan “Azərbaycan Hava Yolları” QSC-nin (AZAL) bələdçiləri artıq sərbəst buraxılıb”.

Etikxeber.az-ın məlumatına görə, bunu “APA-Economics”ə AZAL prezidentinin ictimaiyyətlə əlaqələr üzrə köməkçisi Paşa Kəsəmənski bildirib.

Onun sözlərinə görə, bələdçilər yaxın zamanda Azərbaycan qayıdacaqlar: “Onların nə zaman qayıdacağı müvafiq prosedurlardan asılıdır”.

Ötən gün AZAL-ın mətbuat xidmətindən xidmətinin yaydığı açıqlamada qeyd edilib ki, yanvarın 24-də dövlət şirkəti tərəfindən Bakı-London aviareysi yerinə yetirilən zaman sərnişinlərdən biri spirtli içkidən həddindən artıq istifadə edib və buna aviareysin digər sərnişinləri də şahid olub.

Uçuş zamanı həmin sərnişin ona əlavə spirtli içki verilməsi üçün çoxsaylı tələblərinə təyyarə bələdçiləri tərəfindən imtina edilməsinə narazılığını bildirib.

Aviareys yerinə yetirildikdən sonra Hitrou hava limanında London polisinə təyyarə bələdçilərinin aviareysin sərnişininə guya ləyaqətsiz davranışı ilə bağlı şikayət daxil olub.

Haqqında şikayət daxil olan təyyarə bələdçiləri hadisə ilə bağlı bütün halların araşdırılması məqsədi ilə Hitrou hava limanı polisi tərəfindən saxlanılıb.

Etikxeber.az

Read Previous

Sabiq deputat və tanınmış iş adamının məhkəməsi başladı

Read Next

“Real Madrid”in məhsullarının üzərindəki loqoda xaç işarəsi olmayacaq – YAXIN ŞƏRQDƏ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir