Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Milli Məclisin (MM) bu gün növbəti plenar iclası başlayıb.
Etixeber.az-ın məlumatına görə, spiker Oqtay Əsədov iclası açıq elan edib.
İclasın gündəliyinə 27 məsələ daxildir.
Bunların arasında Azərbaycanın ötən həftə müzakirələrdən sonra verilən təkliflərə baxılması üçün hökumətə təqdim edilən 2017-ci il üzrə dövlət büdcə zərfi də var.
***
“Növbəti ildə mədəniyyət işçilərinin sosial şəraitinin yaxşılaşdırlması məqsədi ilə büdcədən mədəniyyət sahəsinə 3 milyon manat vəsait ayrılıb”.
Bunu maliyyə naziri Samir Şərifov çıxışı zamanı deyib.
Onun sözlərinə görə, MM-də 2017-ci ilin büdcəsinin müzakirəsi zamanı millət vəkillərinin səsləndridiyi təkliflərin bir çoxu büdcə zərfində nəzərə alınıb.
Nazir deyib ki, mədəniyyət sahəsinə nəzərdə tutulan vəsaitin 3 milyon manat həcmində artırlması, MM-in büdcəsinə isə əlavə 850 min manat ayrılması təklifi hökumət tərəfindən qəbul edilib və büdcəyə dəyişiklik olunub.
***
Azərbaycan hökuməti Gənclər Fondunun maliyyə vəsaitinin azalmasını problem kimi qiymətləndirmir.
Bunu da Samir Şərifov büdcə ilə bağlı yekun mövqeyini açıqlayarkən deyib.
Onun sözlərinə görə, parlamentdə bir sıra deputatlar Gənclər Fonduna ayrılan vəsaitin artırlmasını təklif edib.
Nazir deyib ki, 2011-2016-cı ildə ölkədə gənclər siyasəti ilə bağlı 44,8 milyon manat, 2011-2015-ci illərdə gənclər siyasətinin həyata keçirilməsi ilə bağlı nəzərdə tutulan tədbirlən planı və proqrmaların icrası üçün 74 milyon manat ayrılıb.
“Bu müddət ərzində bütün proqramlar icra olunub və başa çatdırılıb. Ümumiyyətlə, 2011-2016-ci ildə ölkədə gənclər siyasəti ilə bağlı 100 milyon manatdan çox vəsait ayrılıb. Ona görə də növbəti ildə Gənclər Fonduna 11,5 milyon manat vəsaitin ayrılması məqbuldur və burada heç bir problem yoxdur. Ona görə də hökumət Gənclər Fonduna ayrılan vəsaitin azalmasını problem kimi görmür”- deyə, nazir bildirib.
***
Azərbaycan hökuməti 2017-ci ilin dövlət büdcəsinin parlamentdə müzakirəsi zamanı millət vəkillərinin səsləndirdiyi təklifləri nəzərdən keçirərək təhlil edib.
S. Şərifovun sözlərinə görə, büdcə müzakirəsi zamanı millət vəkillərinin qaldırdığı bəzi məsələlərə yalnız bir il ərzində deyil, bir neçə il ərzində baxılması lazım gəlir.
Nazir əlavə edib ki, amma buna baxmayaraq, millət vəkillərinin səsləndridiyi təkliflər nəzərə alınıb.
Artan xərclərlə əlaqədar 2017-ci ilin dövlət büdcəsinin 2, 8 və 16-cı maddələrində dəyişiklik ediləcək:
“Bu maddələr gəlirlərin və xərclərin formalaşmasına aid olan maddələrdir. Millət vəkillərinin digər təkliflərinə gəlincə, bu məsələlərə mərhələli şəkildə baxılacaq”.
Sonda büdcə zərfinə daxil olan sənədlər səsə qoyulub və qəbul edilib.
Etikxeber.az
