Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
NATO ABŞ-ın seçilmiş prezidenti Donald Trampın bu təşkilatın köhnəlməsi barədə bəyanatından narahatdır.
Etikxeber.az xəbər verir ki, bu fikri Almaniyanın daxili işlər naziri Frank-Valter Ştaynmayer bu gün Brüsseldə alyansın baş katibi Yens Stoltenberqlə görüşündən sonra səsləndirib. Onun sözlərinə görə, Donald Trampın Avropa İttifaqı və NATO haqqında bəyanatları təkcə Brüsseldə təəccüb və narahatlıqla qarşılanmayıb.
Aİ ölkələrinin daxili işlər nazirlərinin görüşündə iştirak edən Ştaynmayer bildirib ki, Donald Trampın Almaniyanın “Bild” qəzetinə müsahibəsi Brüsseldə iclasın gündəliyinə “ehtimal ki, təsir edəcək, bəlkə də onu tamamilə müəyyən edəcək”. ABŞ-ın yeni prezidentinin NATO haqqında bəyanatını şərh edən alman siyasətçi vurğulayıb ki, bu bəyanat ABŞ-ın gələcək müdafiə nazirinin Konqresdə dinləmələr zamanı söylədiyi fikirlərlə ziddiyyət təşkil edir. “Baxaq görək, bu bəyanatlar ABŞ-ın siyasətinə necə təsir edəcək”, – deyə Ştaynmayer bildirib.
NATO-nun baş katibi AFP agentliyinin sorğusuna cavabında məlumat verib ki, Brüsseldə ABŞ-ın “alyansa töhfə” və “Avropanın təhlükəzisliyinin qarantı” ilə bağlı öhdəliklərini yeni prezidentin dövründə yerinə yetirəcəyinə əvvəlki kimi bel bağlayırlar.
Etikxeber.az
