Obama və Ərdoğan İŞİD-lə mübarizədə əməkdaşlığın genişləndirilməsinə dair razılığa gəlib

ABŞ və Türkiyə prezidentləri Barak Obama və Rəcəb Tayip Ərdoğan telefon danışığı zamanı İŞİD terror qruplaşması ilə mübarizədə iki ölkə arasında əməkdaşlığın genişləndirilməsinə dair razılığa gəliblər.

Etikxeber.az-ın “RİA Novosti”yə istinadən verdiyi xəbərə görə, bu barədə Ağ Evin rəsmi nümayəndəsi Coş Ernest bildirib.

“Obama, Suriyada ümummilli atəşkəsə və hakimiyyətlə müxalifət arasında siyasi danışıqların bərpa olunması üçün Türkiyənin regional oyunçularla əməkdaşlıq üzrə səylərini alqışlayıb” – deyə, məlumatda bildirilir.

Tərəflər İraq və Suriyada İŞİD-lə mübarizə üzrə beynəlxalq koalisiyanın fəaliyyətində irəliləyişi qeyd ediblər, ABŞ və Türkiyə arasında əməkdaşlığın davam etdirilməsi və dərinləşdirilməsinin vacibliyini qeyd ediblər.

Ernestin məlumatına görə, Obama Yeni il gecəsi İstanbulda və dekabrın 17-də Kayseridə törədilən terror aktları nəticəsində çoxlu sayda insanların ölümü ilə bağlı Ərdoğana başsağlığı verib.

“Bundan başqa Obama və Ərdoğan Kipr adasındakı vəziyyəti müzakirə ediblər və gələcək diplomatik proseslərin adada yunan və türk icmalarının iştirakı ilə federasiyanın yaradılmasına dair sazişin əldə olunması ilə nəticələnəcəyinə ümidvar olduqlarını bildiriblər” – deyə, Ernest qeyd edib.

Etikxeber.az

Read Previous

Salyanda 3, Saatlıda 5, Goranboyda 6 otaqlı ev, Qaradağda isə avtomobil yanıb

Read Next

Rəqəmsal təhsil konsepsiyası hazırlanacaq

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir