Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Oğuzlu Antiterror Şəhidi Röyal Nəsib oğlu Beydiyevin doğum günüdür.
Bu gün-18 fevral 2026-cı il tarixində Röyal Beydiyevin 21 yaşı tamam olur.
Bu, həm də Şəhidin Cənnətdəki üçüncü doğum günü, mövlududur.
Etikxeber.az xəbər verir ki, Röyal Beydiyev 2005-ci ilin fevral ayının 18-də Oğuz rayonunun Qarabulaq kəndində dünyaya göz açıb…
Milliyyətcə ləzgi olan Şəhidimiz ailənin üç övladından biri, evin tək oğlu, iki bacının tək qardaşı idi…
Böyük bacısı orta məktəbi bitirsə də, 2009-cu il doğumlu kiçik bacısı hazırda 11-ci sinifdə oxuyur….
Röyal özü isə 2011-2022-ci illərdə Əjdər Mahmudov adına Qarabulaq kənd tam orta məktəbində oxuyub…
18 yaşının tamamından az sonra, 2023-cü ilin aprel ayında həqiqi hərbi xidmətə yollanıb…
Cəlilabad rayonu istiqamətində yerləşən “N” saylı hərbi hissədə xidmətə başlayıb, Xüsusi Təyinatlı Qüvvələrin Əsgəri olub…
2023-cü ilin sentyabr ayında isə həyata keçirilən 23 saatlıq lokal xarakterli Antiterror əməliyyatı zamanı Xankəndi istiqamətində qəhrəmancasına Şəhidlik məqamına ucalıb…
Ayın 19-da Şəhid olsa da, Şəhidliyi xəbəri ailəsinə sentyabrın 20-də, axşam saat 7-8 radələrində verilib…
Əvvəlcə övladlarının yaralı, sonra isə Şəhid olduğu deyilib…
Nəşi isə sentyabrın 21-də Qarabulaq kənd qəbiristanlığında Əbədiyyətə uğurlanıb…
Şəhidliyindən sonra “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif olunub…
Cəmi 18 yaşında Şəhidlik məqamına ucalan və subay olan Röyal həm də Qarabulağın yeganə Qarabağ Savaşı-Antiterror Şəhididir.
Məkanı cənnətlik, Cənnətdəki üçüncü doğum günü mübarək olsun!
Nur içində yatsın!
Kamil HƏMZƏOĞLU
Etikxeber.az
