Onlayn əsasda Qoşulmama Hərəkatı Modeli Simulyasiya Təlimi təşkil ediləcək-XİN

Xarici İşlər Nazirliyi (XİN) və onun nəzdində fəaliyyət göstərən “Diplomatiya könüllüləri” tərəfindən ilk dəfə olaraq 16-18 Aprel 2020-ci il tarixlərində onlayn əsasda Qoşulmama Hərəkatı Modeli Simulyasiya Təlimi təşkil ediləcək. 

Etikxeber.az XİN-dən daxil olan məlumata görə, təlim Azərbaycan Respublikasının 2019-2022-ci illər üçün Qoşulmama Hərəkatına sədrliyi çərçivəsində keçirilən silsilə tədbirlərdən biri olub gənclər arasında bu mötəbər qurumla bağlı məlumatlılığın artmasına xidmət edir.

Azərbaycan Respublikasında 2020-ci ilin “Könüllülər ili” elan edilməsi haqqında Azərbaycan Respublikası Prezidentinin Sərəncamı ilə əlaqədar olaraq, layihə ölkəmizdə fəaliyyət göstərən könüllü təşkilatları və ya hərəkatlarında iştirak edən könüllüləri əhatə edəcəkdir. Ümumdünya Səhiyyə Təşkilatı tərəfindən dünyada COVİD-19 pandemiyasının elan olunduğunu nəzərə alaraq və Azərbaycan Respublikası Nazirlər Kabineti yanında Operativ Qərargahın qərarlarına müvafiq olaraq layihə “evdə qal” ictimai kampaniyasına dəstək məqsədilə onlayn platformada keçiriləcək. 

Layihə çərçivəsində iştirakçılara dünyada Birləşmiş Millətlər Təşkilatından sonra ikinci ən böyük siyasi platforma sayılan Qoşulmama Hərəkatına üzv dövlətlərin rəsmi nümayəndəsi rolunda çıxış etmək, həmin dövlətləri Hərəkatın ən ali toplantısı olan Dövlət və Hökumət Başçılarının Zirvə görüşünün canlandırılacağı simulyasiyada təmsil etmək imkanı yaradılacaq.

Simulyasiyada iştirak üçün lazım olan hazırlıq və bacarıqlar üzrə təqdimatlar 13-15 aprel tarixlərində onlayn əsasda keçiriləcək seminar zamanı Xarici İşlər Nazirliyinin əməkdaşları tərəfindən iştirakçılara təqdim olunacaq. 

Seminar zamanı iştirakçılar Qoşulmama Hərəkatının fəaliyyəti, diplomatik yazışma qaydaları, beynəlxalq danışıqlar və qətnamə layihələrinin mətnlərinin razılaşdırılması təcrübəsi daxil olmaqla bir sıra mövzular üzrə məlumatlandırılacaqlar.

Layihə 18-29 yaş arasında olan, yüksək İngilis dil bilgisinə malik könüllülər üçün nəzərdə tutulmuşdur. İştirakla bağlı tələblərə dair ətraflı məlumatlar https://namazerbaijan.org/events keçidi vasitəsilə əldə edilə bilər. Müraciətlərin qəbulu bu ilin 5 aprel tarixinədək davam edəcək.

Etikxeber.az

Read Previous

“Bu gün daha bir partiya maska köməkçim vasitəsilə lazımi ünvanlara çatdırıldı, gələn həftə də…”-JALƏ ƏLİYEVA

Read Next

Xüsusi karantin rejimində əməkdaşları məhdud sayda işə cəlb edilməli olan qurumların-SAYI ARTIRILDI

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir