“Ordumuz daim düşməni vahimə içərisində saxlayır…”-VİTSE-SPİKER YAZDI

26 İyun Azərbaycan Silahlı Qüvvələri Günü münasibəti ilə xalqımızı təbrik edirəm.

Ordu hər bir dövlətin və xalqın təhlükəsizliyinin qarantıdır.

Ümummilli Lider Heydər Əliyevin 22 may 1998-ci il Fərmanına əsasən əlahiddə Azərbaycan korpusunun yarandığı gün – 26 iyun Silahlı Qüvvələr Günü elan olunub.

Hər bir dövlətin müqəddəratı ordusundan asılıdır. Qafqazda ən müasir ordu hesab olunan Azərbaycan ordusu işğalçı Ermənistanın dərsini vermək iqtidarındadır. Bunu 2016-cı ilin 4 günlük aprel savaşı da göstərdi. Əhalisi 3 milyondan az olan Ermənistan 4 günlük savaşda 560 hərbçisini itirdi. Bu kiçik Ermənistan üçün əsl fəlakət sayıla bilər.

Təsadüfi deyil ki, aprel savaşından sonra Ermənistan ordusunda generallar arasında həbslər həyata keçirildi, müdafiə nazirləri istefaya göndərildi.MDB çərçivəsində Azərbaycan hava hücumundan müdafiə qüvvələrinə malik ən güclü ölkələr sırasındadır. Azərbaycanın həbri büdcəsi Ermənistan büdcəsinin tamamından çoxdur. Bu da düşmən ölkəni çox qorxudur. Çünki, erməni separatçıları anlayırlar ki, növbəti müharibə aprel savaşına bənzəməyəcək. Müdafiə naziri Zakir Həsənov son müsahibəsində açıq dedi ki, növbəti müharibədə Ermənistan ordusunun itkiləri daha çox olacaq.

İşğalçı dövlətin ordusu məğlubiyyətə düçardır.Bu gün Azərbaycan Silahlı Qüvvələri NATO standartlarına cavab verən səviyyədə formalaşıb. Azərbaycan hərbçiləri NATO-nun “Sülh Naminə Tərəfdaşlıq” proqramı çərçivəsində təşkil olunan müxtəlif ixtisasartırma kurslarında iştirak edirlər. Azərbaycanın NATO ilə əlaqələri “Fərdi Tərəfdaşlığın Fəaliyyət Planı” çərçivəsində inkişaf edir. Bundan başqa Azərbaycanla Türkiyə aarsında strateji müttəfiqlik hərbi sahəyə də sirayət edib. İl ərzində qardaş dövlətlə birgə keçirilən hərbi təlimlər də buna sübutdur.

Ordumuz qarşısına qoyulan istənilən tapşırığı yüksək peşəkarlıqla yerinə yetirmək iqtidarına malikdir. Möhtərəm Prezidentimiz, cənab İlham Əliyevin göstərdiyi qayğı nəticəsində vahid komandanlığa tabe olan, müasir hərb elminin tələblərinə cavab verən Azərbaycan Ordusu gündən-günə daha da möhkəmlənir, döyüş qabiliyyətini artırır.Müasir dünyamızda baş verənlər onu təsdiqləyir ki, güclü ordusu olmayan dövlətlər müstəqil siyasətlərini həyata keçirməkdə çətinlik çəkirlər. Ordusu zəif olan dövlətlərə təsir etmək daha asandır.

Bütün diplomatik danışıqların arxasında güclü ordu dayanır. Gənclərimiz böyük həvəslə hərbi xidmətə can atırlar. 2016-cı ilin savaş günçlərində minlərlə gəncimiz orduya yazılmağa və düşmənlə döyüşməyə can atırdı. Ermənistan gəncləri isə işğal altındakı torpaqlarımızda zorla qulluq etməməmək üçün ölkələrini tərk edirlər. Bunun özü iki ölkənin gəncləri arasındakı fərqi ortaya qoyur.Azərbaycan Ordusu Qafqazın ən güclü ordusudur.

Düşmənin bütün təxribatlarının qarşısı yerindəcə alınır.

Ordumuz daim düşməni vahimə içərisində saxlayır. İstənilən zaman ordumuz torpaqlarımızı azad etməyə qadirdir.

Bunu cənab Prezident dəfələrlə çıxışında bəyan edib.

Düşmən dərk edir ki, onların qarşısında 90-ci illərdə olan özünümüdafiə dəstələri yox, nizami və modern silahlarla təmin edilmiş Azərbaycan Ordusu dayanır.

Adil ƏLİYEV,

Vitse-spiker

Etikxeber.az


Read Previous

Daha 517 yoluxma-DAHA 7 ÖLÜM…

Read Next

“Sosial təcrid həyatımızı alt-üst etməkdə, ünsiyyətin, təmasların azalması, məsafə saxlamağın doğurduğu diskomfort, görünməyən düşmənə qarşı üzüntülü mübarizə səbrimizi daraltmaqdadır”-BAHAR MURADOVA

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir