“Pərakəndə satışda kifayət qədər tibbi spirt olacaq və maskaların istehsalı üçün əlverişli şərait yaradılacaq”-OPERATİV QƏRARGAH

Ölkədə tibbi spirt və maskalarla bağlı yaranmış qıtlıq bu məhsullara həm dünyada, həm də daxildə tələbatın qısa müddətdə artması ilə əlaqəlidir.

Nazirlər Kabineti yanında Operativ Qərargahdan Etikxeber.az-a bildiriblər ki, hazırda dünyada maska istehsalçıları 24 saatlıq istehsal rejimində işləsələr də, tələbi ödəməkdə çətinlik çəkirlər.

Əvvəlki illərdə ölkəmizdə ay ərzində 500-600 min maska satılırdısa, indi bu qədər maska 3 günə satılır. 2018-2019-cu illərdə ildə təqribən 5-6 milyon maska satılırdısa, təkcə son bir ayda bu rəqəm 3,5 milyon olub.

Ölkədə olan maska ehtiyatlarından səmərəli istifadə etmək üçün ilk növbədə həkim və xəstələr, polis, Müdafiə Nazirliyi, sərhəd xidməti və gömrük əməkdaşları təmin olunur və apteklərə satış üçün göndərilir.

Ölkə üzrə hər gün təqribən 150-200 min maska paylanılır və satışa çıxarılır.

Dünən ölkəyə 500 min maska idxal olunub. 1,5 milyon ədəd maska da daxil olacaq.

Hökumət maskaların ölkədə istehsalını təşkil etməklə əlverişli şəraiti təmin etməyə çalışır.

Nazirlər Kabinetinin bugünkü 114 №li Qərarına əsasən maskaların istehsalında istifadə olunan xammal gömrük rüsumlarından azad olunub.

Ölkədə tibbi spirt ehtiyatı ilə bağlı heç bir problem yoxdur. Spirtin kiçikhəcmli qablarda satışa çıxarılması üzərində müvafiq işlər aparılır. Məsələ yaxın günlərdə həll olunacaq və yerli istehsal məhsulu olan tibbi spirt kifayət edəcək miqdarda pərakəndə satışa çıxarılacaq.

Etikxeber.az

Read Previous

“Əgər hər birimiz öz məsuliyyətimizi dərk etsək…”-SEVİNC HÜSEYNOVADAN ÇAĞIRIŞ

Read Next

“Minsk qrupu həmsədrlərinin davam edən səylərini tam dəstəkləyir” – ATƏT-İN BAŞ KATİBİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir