Parlamentin növbəti komitə iclası keçiriləcək – 4 KOMİTƏNİN İCLASI İSƏ HƏLƏLİK KEÇİRİLMƏYİB

Bu gün  Milli Məclisin (MM) 2019-cu il payız sessiyası ilə bağlı parlamentin daha bir komitəsinin- Regional məsələlər komitəsinin iclası keçiriləcək.

Etikxeber.az xəbər verir ki, Arif Rəhimzadənin rəhbərlik etdiyi komitənin iclasında öncə adıçəkilən komitənin 2019-cu ilin yaz və növbədənkənar sessiyaları dövründə gördüyü işlərlə bağlı hesabatı dinləniləcək.

Sonra komitənin 2019-cu il payız sessiyasındakı qanunvericilik işləri planı müzakirə ediləcək və təsdiqlənəcək.

Qeyd edək ki, iş planında “Bələdiyyə torpaqlarının idarə edilməsi” haqqında dəyişiklik layihəsi nəzərdə tutulub.

Həmçinin, Torpaq Məcəlləsinə dəyişiklik edilməsi barədə qanun layihəsi iş planına daxil edilib.

Bununla yanaşı, iclasda bələdiyyələrin səlahiyyətləri məsələsi, qarşıdan gələn 5-ci çağırış bələdiyyə seçkiləri ilə bağlı müzakirələrin açılması gözlənilir.

arifff

Onu da qeyd edək ki, parlamentin 4 komitəsinin-İctimai birliklər və dini qurumlar, Beynəlxalq münasibətlər və parlamentlərarası əlaqələr, Hüquq siyasəti və dövlət quruculuğu, o cümlədən, Gənclər və idman komtələrinin iclasları keçirilməyib.

Eyni zamanda, qeyd edək ki, parlamentin payız sessiyası gələn həftə, sentyabrın 30-da öz işinə start verəcək.

Payız sessiyasında daha çox 2020-ci ilin büdcə müzakirələrinə vaxt və yer ayrılacaq.

Büdcə müzakirələrinə oktyabrın sonları, noyabr aylarında start veriləcək.

Kamil HƏMZƏOĞLU

Etikxeber.az

 

Read Previous

Klopp “Ən yaxşı məşqçi”, Messi “Ən yaxşı futbolçu” adına layiq görüldü…

Read Next

“Qulağından tutmağa komsomolumuz, quyruğundan yapışmağa pionerimiz olmasa da…” – SƏFİR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir