Paşayevadan Əliyevə təbrik: Bütün azərbaycanlılar ən böyük arzularına qovuşacaq

Millət vəkili Qənirə Paşayeva da ölkə Prezidenti,Ali Baş Komandan İlham Əliyevi 55 yaşının tamam olması münasibəti ilə təbrik edib.

Etikxeber.az-ın məlumatına görə, təbrikdə deyilir:

“Bu münasibətlə cənab Prezidenti təbrik edir,ona can sağlığı və fəaliyyətində daha da böyük uğurlar arzulayırıq.Ölkəmizin inkişafı, beynəlxalq birlikdə özünə layiq yer tutması üçün gözəl işlər görən cənab Prezidentin ən böyük arzuları arasında torpaqlarımızın işğaldan azad edilməsi məsələsi ilk yerdə dayanır və o özü bunu hər zaman xüsusi vurğulayır. İnşallah, inanırıq ki, Ali Baş Komandanımızın rəhbərliyi altında torpaqlarımızı işğaldan azad edəcəyik və onunla birlikdə bütün azərbaycanlılar ən böyük arzularına qovuşacaqlar. Doğum gününüz mübarək, cənab Prezident!”

Etikxeber.az