Prezident sabiq icra başçısı və XALQ ARTİSTİNİ-TƏLTİF ETDİ – SƏRƏNCAMLAR

Prezidenti İlham Əliyev sabiq icra başçısı Mirdaməd Sadıqovun “Şöhrət” ordeni ilə təltif edilməsi haqqında Sərəncam imzalayıb.

Etikxeber.az-ın xəbərinə görə, Sərəncanda deyilir:

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasının ictimai-siyasi həyatında fəal iştirakına görə Mirdaməd Mirsadıq oğlu Sadıqov “Şöhrət” ordeni ilə təltif edilsin.

Prezidentin digər Sərəncamı ilə Xalq artisti Canəl Əkbərov “Əmək” ordeni ilə təltif olunub.

Sərəncamda deyilir:

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan mədəniyyətinin inkişafında uzunmüddətli səmərəli fəaliyyətinə görə Canəli Xanəli oğlu Əkbərov 1-ci dərəcəli “Əmək” ordeni ilə təltif edilsin.

Qeyd edək ki, sabah C. Əkbərovun 80 yaşı tamam olur.

Etikxeber.az