Prezident Sarayına hücüm- AZI 30 NƏFƏR ÖLDÜ – YƏMƏN YENƏ QAN “GÖLÜ”NDƏ

Cənubi Yəmən Keçid Şurası Qüvvələrinə qarşı bir qrup silahlı şəxsin hücumu zamanı 30 nəfər həlak olub.

Etikxeber.az xarici KİV-lərə istinadla xəbər verir ki, hadisə Yəmənin Aden şəhərində baş verib.

Hazırda Prezident Sarayı düşərgəsi Keçid Şurasının nəzarətindədir.

Bu arada Cənubi Yəmən Keçid Şurası Qüvvələri bütünlüklə səfərbər olduğunu açıqlayıb.

Qeyd edək ki, ötən gün Yəmənin Aden şəhərində bir qrup silahlı şəxslər Prezident Sarayına hücum edib.

Sarayın mühafizəsini təşkil edən dördüncü briqada onlara müqavimət göstərərək hücumun qarşısını alıb.

Hər iki tərəfdən ümumilikdə 75 nəfərin yaralandığı bildirilir.

Etikxeber.az