Bu gün Qəbələ rayonunun İkinci Vətən Müharibəsi Şəhidlərindən olan Elməddin Məhəmməd oğlu Mustafayevin doğum günüdür.
Elməddin Mustafayevin bu gün 22 yaşı tamam olur.
Bu, Şəhidin Cənnətdəki üçüncü doğum günü, mövlududur.
Etikxeber.az xəbər verir ki, Elməddin Mustafayev 2001-ci il ilin 1 may günündə Qəbələ rayonunda sadə-kasıb bir ailədə dünyaya göz açıb…
Ailəsinin-valideynlərinin maddi durumu çox ağır olduğu üçün Qəbələ rayonunda yerləşən internat məktəbinin yataqxanasında (zirzəmisində) böyüyüb, boya-başa çatıb…
Evin-ailənin iki övladından biri və tək bacının tək qardaşı olub…
Eyni zamanda, maddi durumları çətin olduğu üçün ailəsi heç vaxt ona-Elməddinə doğum günü keçirə bilməyib…
Əvvəlcə orta məktəbdə, sonra isə Peşə məktəbində oxuyub, aşpazlıq ixtisasına yiyələnib…
Sonra, 2019-cu ilin iyul tarixində həqiqi hərbi xidmətə, Əsgərliyə, Vətənin keşiyinə yollanıb…
Əsgərliyinin başa çatmasına cəmi aylar-2 ay 25 gün qalmış Azərbaycan Ordusunun Əsgəri kimi İkinci Vətən Mühraibəsinə qatılıb, Vətənin müdafiəsinə qalxıb…
Şərəfli döyüş yolu 14 gün çəkib…
Axırıncı dəfə isə oktyabrın 9-da ailəsi-valideynləri ilə danışıb…
Və oktyabr ayının 10-da Füzuli istiqamətində qanlı döyüşlərdən birində, cəmi 19 yaşında qəhrəmancasına Şəhidlik məqamına ucalıb…
Nəşi isə bir gün sonra, oktyabrın 11-də Qəbələ rayon qəbiristanlığında uğurlanıb…
Şəhidliyindən sonra 5 medalla-“Vətən uğrunda”, “Cəsur döyüşçü”, “Füzulinin azad olunmasına görə”, “Xocavəndin azad olunmasına görə” və “Şuşanın azad olunmasına görə” medalları ilə təltif olunub…
19 yaşında Şəhidlik məqamına ucalan Elməddin həm də subay olub…
***
Cənnətdəki üçüncü doğum günü ilə bağlı bu gün səhər saatlarında Şəhidin ailə üzvləri, doğmaları tərəfindən məzarı ziyarət olunub.
Məzarı üzərinə gül dəstələri düzülüb, ruhuna dualar edilib.
Axşam saatlarında isə Şəhidin ocağında adına ehsan süfrəsi açılıb.
“Quran” oxunub, bir daha ruhuna dualar olunub.
Şəhidin ailəsinə Allahdan səbr və dözüm arzulanıb, Cənnətdəki üçüncü doğum günü təbrik edilib.
Ehsan süfrəsində Şəhidin ailə üzvləri, yaxınları, bir neçə Qəbələli, Bərdəli və İsmayıllılı Şəhid ailəsi iştirak edib.
Məkanı cənnətlik, Cənnətdəki üçüncü doğum günü mübarək olsun!
Nur içində yatsın!
20:00
***
FOTOLAR:
23:30
***
Kamil HƏMZƏOĞLU (HƏMİDOV)
Etikxeber.az
