Qənirə Paşayeva Rəhim Əliyevdən danışdı…

“Nur içində yat, cənab Polkovnik. Polkovnik Əliyev Rəhim Əhməd oğluna Allahdan rəhmət, əziz ailəsinə, sevənlərinə səbr diləyirik. Onunla Lələtəpə işğaldan azad olunandan sonra orada görüşmüşdük”.

Etikxeber.az xəbər verir ki, bunu millət vəkili Qənirə Paşayeva bildirib.

“Cəbrayılın girəcəyində çəkdirmişdik bu fotonu da. Hamımız duyğulu anlar yaşamışdıq o gün.

Torpaqlarımızın bir hissəsini işğaldan azad görməkdən gözəl nə ola bilər bizim üçün.

Onun ən böyük arzusu torpaqlarımızın hamısını işğaldan azad görmək idi.

İnşallah, inanırıq ki, o gün uzaqda deyil və o gün bütün şəhidlərimizin və onun da ruhu şad olacaq” – deyə millət vəkili sonra bildirib.

Etikxeber.az