“Qarabağ münaqişəsinin həlli istiqamətində Almaniyanın sülhpərvər missiyası bizi sevindirir” – MURADOV

Andreas Peşke: Almaniya Qarabağ məsələsinin sülh yoluyla həllinə tərəfdarıdır

Yanvarın 22-də Milli Məclisin (MM) Azərbaycan-Almaniya parlamentlərarası əlaqələr üzrə işçi qrupunun üzvləri ilə Almaniya Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili Andreas Peşke arasında görüş keçirilib.

fuad

Etikxeber.az xəbər verir ki, görüşdə Ermənistan-Azərbaycan münaqişəsi, siyasi, iqtisadi və humanitar sahələrdə Almaniya–Azərbaycan münasibətləri ətrafında müzakirələr aparılıb. MM-in Gənclər və idman komitəsinin sədri, Azərbaycan-Almaniya parlamentlərarası əlaqələr üzrə İşçi Qrupunun üzvü Fuad Muradov iki ölkə arasında münasibətlərin yüksək səviyyədə olduğunu söyləyib.  Komitə sədri bildirib ki, bu əlaqələr həm siyasi, həm də iqtisadi sahədə inkişaf edir. “Yüksək səviyyəli görüşlər göstərir ki, Azərbaycan ilə Almaniya arasında münasibətlər müxtəlif istiqamətlər üzrə inkişaf edir. Ölkələrimiz arasında iqtisadiyyat, mədəniyyət, insan haqları, demokratiya sahələrində yaxşı əməkdaşlıq mövcuddur” – deyə, F. Muradov sonra bildirib. Daha sonra Azərbaycan  parlamenti  ilə Almaniya Bundestaqı arasında da əlaqələrin yüksək səviyyədə olduğunu deyən komitə sədr bildirib ki, Almaniya hökuməti və xalqı ölkəmizin haqlı mövqeyini dəstəkləyir: “Ermənistan-Azərbaycan, Dağlıq Qarabağ münaqişəsinin həlli istiqamətində Almaniyanın sülhpərvər missiyası, beynəlxalq hüquqa əsaslanmış mövqeyi bizi sevindirir”.

Peschke

Almaniya Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili A. Peşke  də öz növbəsində bildirib ki, iki ölkə arasında münasibətlər dinamik inkişaf edir. O, bu səfərinin əlaqələrimizin daha da inkişafına töhfə verəcəyinə əminliyini bildirib. Almaniyanın Azərbaycan ilə əməkdaşlığa çox böyük önəm verdiyini deyən qonaq bildirib ki, Azərbaycan Almaniyanın Qafqazdakı çox vacib iqtisadi tərəfdaşıdır. Bundan əlavə, iki ölkə arasında əməkdaşlığın bütün istiqamətlərdə inkişaf etməsi əhəmiyyətlidir. Söhbət zamanı Ermənistan-Azərbaycan münaqişəsindən danışan A. Peşke qeyd edib ki, Almaniya bu məsələnin sülh yolu ilə həllinin tərəfdarıdır.

Görüşdə həmçinin, ölkələrimiz arasında münasibətlərin hazırkı vəziyyəti və onun daha da inkişaf etdirilməsi ətrafında fikir mübadiləsi aparılıb. Qonağa Azərbaycanda həyata keçirilən islahatlar, ölkəmizin iqtisadi inkişafı haqqında ətraflı məlumat verilib. Tərəflər münasibətlərin yaxşılaşdırılması üçün bu cür görüşlərin və faydalı fikir mübadilələrinin vacibliyini vurğulayıblar.

Kamil HƏMZƏOĞLU

Etikxeber.az 

Read Previous

AŞPA-nın qış sessiyası başladı…

Read Next

9 kənd kürd terrorçularından təmizləndi – ƏRDOĞAN İSƏ HDP-LİLƏRƏ SƏSLƏNDİ: “ƏZƏR, KEÇƏRİK” – ƏSAD BƏS NƏ DEDİ? – FOTOLAR – YENİLƏNİB – (2)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir