Qazaxıstanda səs verən deputat: “Dəyişikliklər keyfiyyətcə yeni bir mərhələyə keçidi təmin edəcək”

Qazaxıstanın Astana şəhərində keçirilən Parlamentlərarası Forumda iştirak edən Milli Məclisin deputatı Bəxtiyar Əliyev ölkəmizin Qazaxıstandakı səfirliyində səs verib.

Etikxeber.az-ın AZƏRTAC-a istinadən məlumatına görə, deputat deyib ki, Astanaya ilk səfəri əlamətdar bir vaxta təsadüf edib. Azərbaycan Respublikası Konstitusiyasında dəyişikliklərlə bağlı referendum ölkəmiz üçün taleyüklü, çox mühüm siyasi hadisədir:

“Mənə bu dəfə ölkəmizin bir hissəsi olan səfirliyimizdə səs vermək nəsib oldu. Düşünürəm ki, referendumun nəticələri Azərbaycanda keyfiyyətcə yeni bir mərhələyə keçidi təmin edəcək. Ölkəmizin dünyada mövqeyini möhkəmləndirəcək, islahatların daha da sürətləndirilməsini, müstəqilliyin möhkəmləndirilməsini, əhalinin firavan gələcəyini təmin edəcək”.

Qeyd olunur ki, Azərbaycanın Qazaxıstandakı səfirliyində yaradılan seçki məntəqəsində Astana, Almatı və Aktau şəhərlərində yaşayan, işləyən və təhsil alan həmvətənlərimiz səs verirlər. Yerli vaxtla saat 17:00-a olan məlumata görə, adları seçici siyahısında qeyd edilən vətəndaşların təxminən 62 faizi səsvermə hüququndan yararlanıb. Astana şəhərində 741, Almatıda 260, Aktauda isə 465 nəfər konsulluq qeydiyyatında olan Azərbaycan Respublikası vətəndaşı ümumxalq səsverməsində iştirak edib.

Məntəqə seçki komissiyasından bildiriblər ki, səsvermənin gedişində heç bir qanun pozuntusu qeydə alınmayıb.

Etikxeber.az

Read Previous

111 yaşlı zərdablı seçici: “Dəyişikliyi nəvələrim mənə izah ediblər”

Read Next

Azarov: “Səsvermə zamanı yüksək seçici fəallığı müşahidə olunub”

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir