Qırğız, Oman, Səudiyyə Ərəbistanı və Cibutinin spikerləri artıq Bakıdadır – FOTOLAR

Oman Respublikasının Dövlət Şurasının sədri Yahya bin Məhfuz Əl-Munziri Azərbaycan parlamentinin 100 illiyi münasibətilə keçiriləcək təntənəli iclasda iştirak etmək üçün sentyabrın 19-da ölkəmizə səfərə gəlib.

Etikxeber.az xəbər verir ki, həmçinin, Səudiyyə Ərəbistanının Məşvərət Şurasının sədri Abdullah bin Məhəmməd bin İbrahim Al Əl-Şeyx və Cibuti Respublikası Milli Assambleyasının sədri Mohamed Ali Humedin də Azərbaycana səfərləri başlayıb.

Həmçinin, Qırğızıstan parlamenti – Joqorku Keneşinin sədri Dastanbek Cumabekovun  Azərbaycana səfəri başlayıb.

Onları Milli Məclis (MM) sədrinin birinci müavini Ziyafət Əsgərov və vitse-spiker Valeh Əlsgərov qarşılayıblar.

Bununla yanaşı, gün ərzində Küveyt Dövlətinin Millət Məclisinin sədri Mərzuq Əli əl-Ğanimin başçılıq etdiyi nümayəndə heyətinin də Bakıya səfəri reallaşacaq.

Nümayəndə heyətinə deputatlar Məhəmməd əl-Huveylə və Nasir əd-Dusəri daxildir.

Səfər üç gün davam edəcək.

Etikxeber.az