“Qoy hamı bilsin və tanısın ki, Azərbaycanın Həsənağa kimi bir Oğlu, İgidi var”-ŞƏHİD HƏSƏNAĞA ABDULLAZADƏNİN ANASI SƏMİLƏ XANIM – FOTOLAR

Nə qədər ki canımda can var, daim oğlumun xatirəsini yaşadacağam, onu tanıdacağam.

Etikxeber.az xəbər verir ki, bunu Şəhid Həsənağa Abdullazadənin anası Səmilə Abdullazadə Lənkəran şəhərində övladının adını daşıyan küşədə “Şəhid bulağı” kompleksinin açılışında çıxışı zamanı deyib.

Şəhid anası övladı ilə Fəxr etdiyini, Qürur duyduğunu bildirib.

Qeyd edib ki, oğlu haqqında doymadan, dayanmadan günlərlə, saatlarla danışa bilər.

“Çünki mənim oğlum elə bir oğuldur ki, onun haqqında nə qədər danışsam, doymaram, yorulmaram. O, Qəhrəman, İgid bir oğluldur. O, mənim tək oğlum, tək övladım idi. Vətən üçün doğulmuşdu, Vətən yolunda da Şəhid getdi. Oğlumla Qürur duyuram, Fəxr edirəm. Nə qədər ki canımda can var, daim oğlumun xatirəsini yaşadacağam, onu tanıdacağam. Qoy hamı bilsin və tanısın ki, Azərbaycanın Həsənağa kimi bir Oğlu, İgidi var”-deyə, Səmilə xanım sözlərinə əlavə edib.

Ailənin yeganə övladı, Baş leytenant-HƏSƏNAĞA ABDULLAZADƏNİN LƏNKƏRANDA “ŞƏHİD BULAĞI” KOMPLEKSİNİN İZDİHAMLI AÇILIŞI OLDU, ŞƏHİDLƏ BAĞLI MƏRASİM KEÇİRİLDİ… – FOTOLAR – YENİLƏNİB – (3)

Kamil HƏMZƏOĞLU (HƏMİDOV)

Etikxeber.az