Qreminger Azərbaycana gəlir

Gələn həftə, sentyabrın 11-də ATƏT-in baş katibi Tomas Qreminger Azərbaycana səfər edəcək.

Bu haqda Etikxeber.az-a açıqlamasında Xarici İşlər Nazirliyinin (XİN) Mətbuat xidmətinin rəhbəri Hikmət Hacıyev deyib.

XİN rəsmisi bildirib ki, T.Qreminger səfər çərçivəsində müxtəlif görüşlər, o cümlədən Azərbaycan XİN-də görüş keçirəcək:

“Görüşlərdə siyasi, iqtisadi, humanitar və digər sahələrdə əməkdaşlıq məsələləri müzakirə olunacaq”.

H.Hacıyev əlavə edib ki, səfər zamanı Qarabağ münaqişəsinin nizamlanması məsələsinin müzakirə olunacağı istisna deyil.

Etikxeber.az