Rejissor Rafiq Dadaşov dünyasını dəyişdi

Rejissor Rafiq Dadaşov dünyasını dəyişib.

Etikxeber.az bildirir ki, Cəfər Cabbarlı adına “Azərbaycanfilm” kinostudiyasının direktoru Müşfiq Hətəmovun APA-ya verdiyi məlumata görə, Rafiq Dadaşov fevralın 5-də vəfat edib. O, bu gün Bakıda dəfn olunacaq.

Qeyd edək ki, Rafiq Dadaşov 20 iyul 1946-cı ildə Bakıda anadan olub. 1963-cü ildə C.Cabbarlı adına “Azərbaycanfilm” kinostudiyasında işə qəbul olunub. 1964-cü ildə rejissor köməkçisi kimi işə başlayıb.

2002-ci ildə Azərbaycan Televiziya və Radio verilişləri QSC “Aztelefilm” birliyində kinorejissor vəzifəsində çalışıb.

O, “Qəm pəncərəsi”, “Bir cənub şəhərində”, “Dantenin yubileyi”, “Ötən ilin son gecəsi” və s. filmlərin rejissoru olub.

2016-cı ildə Azərbaycan kinematoqrafiyasının inkişafında xidmətlərinə görə Azərbaycanın əməkdar mədəniyyət işçisi fəxri adına layiq görülüb.

Etikxeber.az

Read Previous

Kamerun Afrika Millətlər Kubokunun qalibi oldu – FOTO – VİDEO

Read Next

Təmas xəttində növbəti monitorinq keçiriləcək

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir