“RİA Novosti”də Azərbaycana qarşı separatçı meyilləri təşviq edən məlumatların yayılması sistemli xarakter daşıyıb”-NAZİRLİK AÇIQLAMA YAYDI

Rəqəmsal İnkişaf və Nəqliyyat Nazirliyi ölkə ərazisində “RİA Novosti” agentliyinin internet informasiya resursuna girişin məhdudlaşdırılması barədə məlumat yayıb.

Nazirlikdən Etikxeber.az-a daxil olan məlumatda bildirilib ki, Azərbaycan Respublikasında yayılması qanunla qadağan edilən informasiyanın yerləşdirilməsi halları ilə bağlı internet informasiya resurslarına girişin məhdudlaşdırılması “İnformasiya, informasiyalaşdırma və informasiyanın mühafizəsi haqqında” Azərbaycan Respublikasının Qanunu ilə tənzimlənir:

“Həmin Qanuna əsasən, müvafiq icra hakimiyyəti orqanının qərarı ilə dövlətin və cəmiyyətin qanunla qorunan maraqlarına təhdid yarandığı hallarda internet informasiya resursuna və ya onun müvafiq hissəsinə müraciət məhdudlaşdırılır.

Sözügedən informasiya agentliyində Azərbaycan Respublikasının ərazi bütövlüyünə qarşı, böhtan xarakterli və separatçı meyilləri təşviq edən məlumatların yayılması ilk dəfə baş vermir və sistemli xarakter daşımışdır.

RİA Novosti“ agentliyi internet informasiya resursunda Azərbaycan Respublikasının ərazi bütövlüyünə qarşı çıxış edən, böhtan xarakterli və separatçı meyilləri təşviq edən məlumatlar yaymaqla “İnformasiya, informasiyalaşdırma və informasiyanın mühafizəsi haqqında” Azərbaycan Respublikası Qanununun tələblərini pozub və həmin Qanuna uyğun olaraq ölkə ərazisində agentliyin internet informasiya ehtiyatına giriş məhdudlaşdırılıb”.

Etikxeber.az

Read Previous

22 minə yaxın abituriyent qəbul imtahanı verdi-YENİLƏNİB

Read Next

Daha 13 yeni-YOLUXMA…

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir