Rüfət Quliyev Həzi Aslanovun ev-muzeyini-ZİYARƏT ETDİ… – FOTOLAR

73 saylı Lənkəran Şəhər Seçki Dairəsindən 4-cü dəfə deputatlığa namizəd, Azərbaycan Texniki Universitetinin (ATU) kafedra müdiri, iqtisad elmləri doktoru, professor Rüfət Quliyevin təbliğat-təşviqat kampaniyası uğurlu şəkildə davam edir.

Etikxeber.az-ın deputatlığa namizədin Seçki Qərargahına istinadən xəbərinə görə, Lənkəranı, adıçəkilən Dairəni 3-cü çağırışdan, 2005-ci ildən təmsil edən millət vəkilinin seçicilərlə görüşləri səmimi və izdihamlı şəkildə keçir.

Görüşlərdə deputatlığa namizəd öz mövqeyini, seçki platformasını açıqlayır, seçicilərin, yerli sakinlərin fikir və təkliflərini dinləyir, onlara öz münasibətini bildirir.

Deputatlığa namizəd fevralın 6-da isə Azərbaycan xalqının igid övladlarından-əslən lənkəranlı olan iki dəfə Sovet İttifaqı Qəhrəmanı mərhum Həzi Aslanovun Lənkərandakı ev-muzeyini, muzeyin həyətindəki abidəsini ziyarət edib.

Muzeyin əməkdaşları ilə söhbətləşib, fikir mübadiləsi aparıb, eyni zamanda, xatirə kitabına öz ürək sözlərini yazıb.

Etikxeber.az