Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün daha bir İkinci Vətən Müharibəsi Şəhidimizin-əslən Qusarlı Sənan Qahir oğlu Zamanovun Cənnətdəki ilk doğum günüdür.
Etikxeber.az-ın xəbərinə görə, peşəkar hərbçi-mayor Sənan Zamanov 1987-ci ilin avqustun 17-sində Qusarın Çiləgir kəndində anadan olub və bu gün onun 34 yaşı tamam olur.
Mayor Sənan Zamanov İkinci Vətən Müharibəsinin ilk günündən döyüşlərdə olub və 2020-ci ilin oktyabr ayının 1-ində Ağdərə-Suqovuşan istiqamətində döyüşlərdə qəhrəmancasına həlak olub, Şəhidlik məqamına ucalıb.
Şəhidimiz doğlulub boya-başa çatdığı Çiləgir kənd qəbiristanlığında torpağa tapşırılıb.
Ölümündən sonra “Vətən uğrunda” medalı ilə təltif olunub.
Həmçinin, ölümündən əvvəl “Qüsursuz xidmətə görə” 3-cü dərəcəli medalı və “Azərbaycan Ordusunun 100 illiyi” medalı ilə təltif edilib.
Bu gün Cənnətdəki ilk doğum günü ilə bağlı Şəhidin məzarı ziyarət olunub.
Ziyarətdə Şəhidin ailə üzvləri, Qusar rayon rəhbərliyi, millət vəkili Azər Badamov və digərləri iştirak ediblər.
Onlar Şəhidin məzarını ziyarət edib, məzarı üzərinə tər gül dəstələri düzüb, ruhuna dualar oxuyublar.
“Bu gün Şəhidimiz-mayor Zamanov Sənan Qahir oğlunun 34 yaşını məzarına tər güllər qoymaqla xatirəsini yad etdik. Sonra da Şəhidin ailəsini ziyarət etdik. Allah bütün şəhidlərimizə rəhmət eləsin!”.
Bunu isə millət vəkili Azər Badamov deyib.
Nur içində yatsın, məkanı cənnətlik, Cənnətdəki ilk doğum günü-34 yaşı mübarək olsun!
Kamil HƏMZƏOĞLU (HƏMİDOV)
Etikxeber.az
