Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
“Zeytun budağı” əməliyyatı zamanı ağır yaralanmış hərbçi (piyada minbaşı-red) Mithat Dunca cəmi 3 gün sonra, Afrinin şəhər mərkəzi nəzarət alınan gün-martın 18-də dünyasını dəyişərək, şəhidlik zirvəsinə ucalıb.
Etikxeber.az-ın xəbərinə görə, M.Duncanın doğulduğu Əkşişəhərdə dəfn mərasimi zamanı isə çox duyğulu anlar yaşanıb.
Belə ki, həyat yoldaşını əbədiyyətə uğurlayan-yola salan şəhid xanımı Lütfiyə Duncanın mobil telefonuna M. Duncanın Afrindəki hərbçi dostları-silah yoldaşları tərəfindən video-mesaj gəlib.
Mesajda qeyd olunur:
“Bu zəfər (Afrinin mərkəzinin nəzarət altına alınması nəzərdə tutulur-red) başda Çanaqqala şəhidləri olmaqla, “Zeytun budağı”nda şəhid düşmüş 46 personalımıza və ASO-dan şəhid düşmüş personalımıza, o cümlədən, Şükrü Ünlü uzman çavuşumuza, Mithat Dunca minbaşıya ərməğan olsun. Mithat Duncanın xanımı Lütfiyə xanım, qardaşları Mustafa və Mətin bəy: Mithatın intiqamı yerdə qalmadı, intiqamını aldıq. Lütfiyə xanım siz artıq rahat olun, burada 200 qardaşınız var, saygılar”.
L. Dunca isə “sağ olsunlar, hamısı ilə qürür duyuruq”-deyə, bildirib.
“Həyat yoldaşımın intiqamını çox şükür almışlar. O da orada rahat uyuyacaq. Bizim də içimiz soyuyacaq. Sağ olsunlar”-deyə, sözlərinə əlavə edib.
Qeyd edək ki, şəhid minbaşının Zeynəb Naz Dunca adlı 13 yaşlı qızı var.
Kamil HƏMZƏOĞLU
Etikxeber.az