Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Milli Məclisin (MM) Əmək və sosial siyasət komitəsinin 6-cı çağırış parlamentdə ilk iclasının gündəliyi məlum olub.
Etikxeber.az-ın məlumatına görə, martın 16-da keçiriləcək iclasın gündəliyinə üç məsələ daxil edilib.
Birinci məsələ komitənin 2020-ci il yaz sessiyasının qanunvericilik işləri planı, ikinci məsələ “Turizm haqqında” qanuna dəyişiklik, 3-cü məsələ isə Azərbaycanla Bolqarıstan Hökuməti arasında Sazişin təsdiqlənməsi məsələsidir.
Sözügedən komitənin yeni sədri Musa Quliyev saytımıza açıqlamasında bildirib ki, qanunvericilik işləri planına ilk olaraq 3 məsələnin salınması nəzərdə tutulur.
“Bunlar əhalinin məşğulluğunun təmin edilməsi sahəsində görülən işlər barədə, eləcə də, tütün və tütün məmulatlarından istifadənin məhdudlaşdırılması ilə əlaqədar qanunvericiliyin icra vəziyyəti ilə bağlı ictimai dinləmənin keçirilməsi, həmçinin, “Turizm haqqında” yeni qanunvericiliyin hazırlanması məsələsidir. Bunlar hər üçü vacib məsələlərdir. Bildiyiniz kimi, turizmlə bağlı yeni qanun layihəsi üzərində bir neçə ildir ki, işlər gedir. Bu yöndə yeni, təkmil qanuna ehtiyac var. Odur ki, qanunvericilik işləri planına həm adıçəkilən iki məsələ ilə bağlı ictimai dinləmələrin keçirilməsi, həm də turizmlə əlaqədar qanunvericiliyin hazırlanması istiqamətində işlərin davam etdirilməsi məsələsini salmağı düşünürük. Bununla belə, təbii ki, komitə üzvlərinin təklifləri də olacaq və onlar da nəzərə alınacaq”-deyə, M. Quliyev qeyd edib.
Gündəlikdəki ikinci məsələ-“Turizm haqqında” mövcud qanuna dəyişikliyi nəzərdə tutan qanun layihəsidir ki, orada turistlərlə bağlı elektron viza, elektron sifariş məsələlərinin reallaşdırılması nəzərdə tutulur.
Etikxeber.az
