Sabitliyə və təhlükəsizliyə təhdidlər az deyil – PA rəsmisi

“Müasir beynəlxalq aləmdə sabitliyə və təhlükəsizliyə təhdidlər az deyil”.

Etikxeber.az xəbər verir ki, bunu Azərbaycan Prezident Administrasiyası (PA) rəhbərinin müavini, Xarici Əlaqələr şöbəsinin müdiri Novruz Məmmədov özünün “Twitter” səhifəsində yazıb. O, MDB-yə üzv ölkələrin təhlükəsizlik şuraları katiblərinin Moskvada keçirilən dördüncü iclasının çox mühüm məsələlərə həsr edildiyini bildirib:

“Həqiqətən də müasir beynəlxalq aləmdə sabitliyə və təhlükəsizliyə təhdidlər az deyil. Düşünürəm ki, bu təhdidlərə qarşı birgə fəaliyyət, qanunvericiliyin təkmilləşdirilməsi, informasiya mübadiləsi və təhlükəsizliyi və digər məsələlər ətrafında müzakirələr çox faydalı oldu”.

Qeyd edək ki, noyabrın 16-da Moskva şəhərində MDB-yə üzv ölkələrin təhlükəsizlik şuraları katiblərinin dördüncü iclası keçirilib. İclasda Azərbaycanı Təhlükəsizlik Şurasının katibi, Prezident Administrasiyasının rəhbəri Ramiz Mehdiyev, onun müavini, Xarici əlaqələr şöbəsinin müdiri Novruz Məmmədov və PA-nın Hüquq-mühafizə orqanları ilə iş şöbəsinin müdiri Fuad Ələsgərov təmsil ediblər.

Etikxeber.az

 

Read Previous

Təbii sərvətlərimiz ermənilər tərəfindən vəhşicəsinə talan edilir – NAZİR

Read Next

Beşəm dünyaya gəldi və hamısı öldü – FACİƏ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir