Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Azərbaycan Yazıçılar Birliyinin (AYB) və Azərbaycan Jurnalistlər Birliyinin (AJB) üzvü Raziyə Kamilqızının Şəhidlərlə bağlı daha bir təqdimatı-tədbiri olub.
Etikxeber.az xəbər verir ki, Sabunçu Gənçlər Evində keçirilən “Qəhrəmanlar can verir yurdu yaşatmaq üçün” adlı tədbir Füzuli rayonunun Arış kəndindən olan Birinci Qarabağ Savaşı Şəhidi Həsənov Elçin Əvəz oğlunun xatirəsinə həsr olunub.
Tədbirdə Şəhid ailələri, Qazilər, Füzuli rayonunun məsul şəxsləri, ziyalılar, media nümayəndələri, Elçin Həsənovun ailə üzvləri, doyüş yoldaşları,dostları iştirak ediblər.
Tədbirdə öncə mərhum dövlət başçısı Heydər Əliyev və Şəhidlərin xatirəsi bir dəqiqəlik sükutla yad edilib, Azərbaycan Respublikasının Dövlət himni səsləndirilib.
Sonra çıxışlar başlayıb.
Çıxış edənlər Elçin Həsənovun İgidliyi və Qəhrəmanlığından, Vətənpərvərliyindən bəhs ediblər.
Doğmalarına Allahdan səbr və dözüm diləyiblər.
Əziz xatirəsinin hər zaman qəlblərdə yaşayacağını ifadə ediblər.
Qeyd edək ki, Elçin Həsənov 05.07.1970-ci il tarixində dünyaya gəlib.
05.06.1993-cü il tarixində isə Şəhidlik zirvəsinə ucalıb.
Nur içində yatsın!
Etikxeber.az
