Sahibkarları koronavrusun zərərli təsirlərindən qorumaq üçün Vergilər Məcəlləsinə dəyişiklik ediləcək-NAZIR

Dövlət sahibkarlıq subyektlərinə müddətli vergi güzəştləri və tətillərinin verilməsi, sahibkarlığın kreditləşdirilməsi şərtlərinin yumşaldılması imkanlarını nəzərdən keçirir və bu məqsədlə aidiyyəti dövlət qurumları, Mərkəzi Bank və Azərbaycan Banklar Assosiasiyası ilə intensiv müzakirələr aparılır.

Etikxeber.az-ın məlumatına görə, bunu İqtisadiyyat naziri Mikayıl Cabbarov bildirib.

M. Cabbarov deyib ki,  tədbirlər müəyyənləşən kimi aidiyyatı qanunvericilik aktlarında, o cümlədən Vergilər Məcəlləsində lazımi dəyişikliklərin edilməsi üçün müraciət olunacaq.

Qeyd edək ki, Prezident İlham Əliyevin “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” 19 mart tarixli sərəncamı ilə pandemiyanın Azərbaycan Respublikasının iqtisadiyyatına təsirini qiymətləndirmək üçün İqtisadiyyat nazirinin rəhbərliyi ilə İşçi Qrup yaradılıb. 

Etikxeber.az

Read Previous

Prezident Administrasiyasının rəhbər şəxsləri bir aylıq əməkhaqlarını Koronavirusla Mübarizəyə Dəstək Fonduna-KÖÇÜRDÜLƏR

Read Next

Tofiq Yaqublu həbs edildi-MÜDAFİƏ KOMİTƏSİ BƏYANAT YAYDI – YENİLƏNİB – (3)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir