Salyanda 3, Saatlıda 5, Goranboyda 6 otaqlı ev, Qaradağda isə avtomobil yanıb

Salyan rayonunda yanğın hadisəsi qeydə alınıb.

Etikxeber.az-ın Fövqəladə Hallar Nazirliyinin (FHN) saytına istinadən verdiyi xəbərə görə, rayonun Yeni Uluxanlı kəndində vətəndaşa məxsus ümumi sahəsi 63 m2 olan birmərtəbəli 3 otaqlı evin yanar konstruksiyaları yanıb.  Yaxınlıqdakı tikililər yanğından mühafizə olunub. Yanğın saat 04:00-da yanğınsöndürənlər tərəfindən söndürülüb.

Eyni zamanda, Saatlı rayonunun Azadkənd kəndində vətəndaşa məxsus ümumi sahəsi 200 kvadratmetr olan beşotaqlı evdə yanğın baş verib.

Evin iki otağı yanıb, qalan hissəsi yanğından mühafizə olunub.

Alov saat 20:50-də yanğınsöndürənlər tərəfindən söndürülüb.

Bununla yanaşı, Bakı şəhəri, Qaradağ rayonunda vətəndaşa məxsus “OPEL” markalı minik avtomobilinin mühərrikində elektrik avadanlıqları və salonu qismən yanıb. Avtomobilin qalan hissəsi yanğından mühafizə olunmuşdur. Yanğın saat 04:08-də yanğınsöndürənlər tərəfindən söndürülüb.

Həmçinin, Goranboy rayonu, Dəliməmmədli şəhərində vətəndaşa məxsus ümumi sahəsi 136 m² olan birmərtəbəli 6 otaqlı evin çardağı 10 m² sahədə yanıb. Evin qalan hissəsi yanğından mühafizə olunub.

Yanğın saat 06:18-də yanğınsöndürənlər tərəfindən söndürülüb.

Etikxeber.az