“Sevindik, qürur duyduq, şad olduq, fəxr etdik!”-AYBƏNİZ HAŞIMOVA FİDAN HACIYEVAYA VƏ TƏLƏBƏLƏRİNƏ MİNNƏTDARLIQ ETDİ

Fidan Hacıyevanın birinci Beynəlxalq Opera Festivalı çərçivəsində Müslüm Maqomayev adına Dövlət Akademik Filarmoniyasının səhnəsində “Gənc opera ulduzları” konserti keçirilib.

Etikxeber.az xəbər verir ki, Xalq Artisti, dirijor Cavanşir Quliyevin rəhbərliyi altında Mezzo Kamera Orkestrinin müşayiəti ilə Üzeyir Hacıbəyli adına Bakı Musiqi Akademiyasının, Azərbaycan Milli Konservatoriyasının, Fidan Hacıyevanın Vokal Musiqi Məktəbinin gənc istedadları və Xalq Artisti Fidan Hacıyeva çıxış ediblər.

Axşamın maraqlı məqamlarından biri də xor kafedrasının dosenti Leyla Zalıyevanın rəhbərlik etdiyi Milli Konservatoriyanın xorunun 90 vokalçıdan ibarət iştirakı idi.

Çıxışlar tamaşaçıların alqışları altında keçirilib, iştirakçılara fəxri diplomlar təqdim olunub.

Gecənin aparıcısı teleaparıcı Saleh Bağırov olub.

Konsertdə Azərbaycan bəstəkarlarının əsərləri ilə yanaşı,dünya klassik musiqisinin inciləri səsləndiriləcəkdir.

Xalq Artisti Fidan Hacıyevanın Vokal Musiqi Məktəbinin təşkilatçılığı ilə Azərbaycan Mədəniyyət Nazirliyi və Dövlət Opera və Balet Teatrının dəstəyi ilə birinci Beynəlxalq Opera Festivalı 27 aprel-3 may tarixlərində keçirilir. Yeddi gün ərzində Bakı və Gəncənin müxtəlif konsert məkanlarında Azərbaycan klassiklərinin və dünya müəlliflərinin əsərləri təqdim olunacaq.

***

Bu yerdə qeyd edək ki, sözügedən festivala qatılanlar arasında Əməkdar artist, Sənət Akademiyasının rəhbəri Aybəniz Haşımovanın da yetirmələri, tələbələri var.

Onların da çıxışları hər kəs, xüsusilə, xarici qonaqlar tərəfindən maraqla qarşılanıb.

Aybəniz Haşımovanın qeyd etdiklərindən:

“29 Aprel-möhtəşəm gün! Ölkəmizdə qızıl səslərin yarışacağı möhtəşəm musigi bayramı! Fidan Hacıyeva adına 1-ci Beynəlxalq Vokal festivalı! Bu, əvəzssiz günü isə gənclərə cox sevdiyim Fidan xanım Hacıyeva bəxş etdi.

Sevindik, qürur duyduq, şad olduq, fəxr etdik! Bütün təsiscisi olduğum Sənət Akademiyası adından Sizi təbrik edirəm, Sizə daha cox uğurlar arzulayıram.

Yetirmələrimə isə demək istəyirəm ki, Allah başınızı ucadan-uca etsin…Siz ki, məni bu qədər sevindirirsiniz, Qalibiyyətinizlə qoy Ucadan-Uca Allahım Sizi daim sevindirsin! Cox fəxr etdim hər ikinizlə əziz tələbələrim-Davud Nəsirli, Nərmin Nərimanlı!”

FOTOLAR:

Kamil HƏMZƏOĞLU

Etikxeber.az