Son bir həftədə daha 15 yeni yoluxama VƏ 3 ÖLÜM…

Azərbaycanda koronavirus (COVID-19) infeksiyasına son 1 həftədə (31.07.2023-06.08.2023) 15 yeni yoluxma faktı qeydə alınıb, 17 nəfər müalicə olunaraq sağalıb.

Nazirlər Kabineti yanında Operativ Qərargahdan Etikxeber.az-a verilən məlumata görə, analiz nümunələri müsbət çıxan 3 nəfər vəfat edib.

Azərbaycanda indiyədək ümumilikdə 832 036 nəfər koronavirus infeksiyasına yoluxub.

Onlardan 821 731 nəfər müalicə olunaraq sağalıb, 10 293 nəfər vəfat edib, aktiv xəstə sayı 12 nəfərdir.

Ölkədə son həftə ərzində 2 517, hazırkı dövrədək isə 7 663 893 test aparılıb.

Etikxeber.az