“Su ehtiyatlarının ədalətli bölgüsünə ehtiyac var…”-MİLLƏT VƏKİLİ

Prezident İlham Əliyevin yanında su təsərrüfatının vəziyyətinə həsr olunmuş videoformatda müşavirədə su təminatında olan problemlər ilə yanaşı gələcəkdə həyata keçirilməli işlər də müzakirə olundu.

Su təsərrüfatındakı problemlər kənd təsərüffatına və bütövlükdə iqtisadiyyata da mənfi təsir edir. Problemlərin aradan qaldırılması üçün nələrin edilməsinə ehtiyac var?

– Müşavirədə qeyd olunduğu kimi dövlət qurumları arasında koordinasiyanın zəif olması su təsərrüfatındakı problemlərin əsas səbəblərindən biri olduğu üçün bu sahədə struktur və institutsional islahatların aparılması məqsədəuyğundur. Beyin mərkəzi olaraq İqtisadi və Sosial İnkişaf Mərkəzi (CESD) 2012-ci ildə hazırladığı struktur islahatları paketində bu sahədə də struktur islahatların aparılmasını təklif etmişdir. Bütövlükdə, struktur ishlahatları sistemli və təmərküzləşmiş koordinasiyaya imkan yarada bilər;

– İtkilərin qaşısının alınmsı üçün infrastrukturun daha da inkişaf etdirilməsi ilə yanaşı bu sahədə nəzarətin gücləndirilməsinə ehtiyac var. Ölkə üzrə infrastruktur inkişaf etsə də, sahəvi infrastrukturun genişləndirilməsi vacibdir. Müşavirədə də qeyd olunduğu kimi, su itkəsi əksər hallarda 40 faizdən çoxdur. Bu kifayət qədər böyük rəqəmdir. İtkilərin azaldılması eyni zamanda su ehtiyatlarının artmasına səbəb ola bilər;

– Yeni daxili su mənbələrinin tapılması üçün bu sahədə elmi tədqiqatların genişləndirilməsi vacibdir. Məhz tədqiqatlar nəticəsində əsasən xarici su mənbələr hesabına istehlakı ödənilən ölkəmizdə su problemini mərhələli şəkildə aradan qaldırmaq olar;

– Su ehtiyatlarının ədalətli bölgüsünə ehtiyac var. Aparılan monitorinqlər göstərir ki, bir sıra hallarda suyun yerlərdə fermerlər arasında ədalətli bölgüsü həyata keçirilmir və bu da suya olan tələbin tam ödənilməsinə imkan vermir. Bu baxımdan da, müasir çağrışlara uyğun və əsaslandırılmış su balansın hazırlanması məqsədəuyğundur;

– İçməli suya olan tələbin ödənilməsi üçün daxili mənbələrdən daha səmərəli istifadəsi zəruridir. Mənim parlamentdə təmsil etdiyim Füzuli rayonunda elə qəsəbələrimiz var ki, içməli suyu xüsusi su maşınlarından ödəniş ilə alırlar. Bu barədə uyğun dövlət qurumuna artıq sorğu göndərsəm də, belə problemlərin uzunmüddətli həlli daxili su mənbələrin müəyyənləşdirilməsi və onlardan səmərəli istifadə edilməsi yolu ilə həll oluna bilər;

– Nəhayət, su təsərrüfatında idarəetmənin səmərəliyinin artırılması üçün mövcud strategiyanın yeni çağrışlara uyğunlaşdırılmasına ehtiyac var.

Bu zaman iqlim dəyişiklikləri, elmi-innovativ metodlardan istifadə kimi faktorların da nəzərə alması məqsədəuyğundur.

Vüqar BAYRAMOV,

Millət vəkili

Etikxeber.az

Read Previous

“Qısa müddət ərzində şəhid ailəsinə vurulmuş ziyan tam həcmdə ödənildi, şəhid ailəsinin haqqı bərpa olundu.”-OSMAN KAZIMOV

Read Next

“İnsan haqlarının müdafiəsini özlərinin missiyası elan edən “Freedom House”, “Amnesty International” və “Human Rights Watch” təşkilatlarını törədilmiş hadisələrə ədalətli qiymət verməyə çağırıram… Lakin nədənsə biz hələ onların səslərini eşitmirik…”-MEHRİBAN ƏLİYEVA

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir