Taekvondocularımızdan 5-i Rusiyadakı turnirdə mükafatçılar sırasında yer alıb

Moskvada Rusiya Taekvondo Birliyi və İdman Nazirliyi tərəfindən təşkil edilən “Russian Open” beynəlxalq turniri Azərbaycan milli komandası üçün uğurlu olub. G2 dərəcəli yarışa qatılan taekvondo üzrə gənclərdən ibarət yığma komandamızın 5 üzvü mükafatçılar sırasında yer alıb.

Azərbaycan Taekvondo Federasiyasından Etikxeber.az-a bildiriblər ki, sentyabrın 24-də mübarizəyə qoşulan Mamed Abdullayevin yetirmələrindən Əliəsgər Əliyev (68 kq) keçirdiyi bütün döyüşlərdə inamla qələbə qazanaraq yarışın qızıl medalını qazanıb. Komandanın digər üzvlərindən 48 kq çəki dərəcəsində dayanq üzərinə çıxan Cavid Məmmədov və Mehriban Məmmədova (42 kq) finala kimi rəqiblərini yarışdan kənarlaşdırsalarda da həlledici döyüşlər idmançılarımız üçün keçilməz olub və onlar yarışda gümüş medalla kifayətləniblər. Aliyə Zeynalova (44 kq) və Leyla Məmmədova (49 kq) turniri yarımfinal mərhələsində başa vuraraq bürünc medala layiq görülüblər. Beləliklə, gənc yığmamız beynəlxalq turnirdə 1 qızıl, 2 gümüş və 2 bürünc medal əldə edib.

Milli komandamız vətənə sentyabrında 26-da qayıdacaq.

Etikxeber.az

Read Previous

Referendumla bağlı təşviqat kampaniyası başa çatdı

Read Next

Atəşkəs bu gecə 6 dəfə pozulub

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir