Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün, 24 iyul tarixində, axşam saatlarında Qəhrəman Goranboyun İkinci Vətən Müharibəsi Şəhidlərindən daha birinin ailəsində oldum…
32 il ərzində düşmən qarşısında mətanətlə duruş gətirən Qəhrəman Tap-Qaraqoyunlu kəndinin iki İkinci Vətən Müharibəsi Şəhidindən biri-Hidi Bəxtiyar oğlu Vəliyevin ailəsini, valideynləri ziyarət etdim…
Qeyd edim ki, Şəhidimizin ocağında, bu evdə artıq 4-cü dəfə olurdum…
Bir daha Şəhidimizin ailəsinə, valideynlərinə-Sənubər xanıma və Bəxtiyar kişiyə başsağlığı verdim, bir daha onlara Allahdan səbr və dözüm arzuladım, bir daha “Şəhidimizin məkanı cənnətlik olsun! Müqəddəs ruhu qarşısında baş əyirəm!”-dedim…
Şəhidimizin ailəsi ilə bir xeyli söhbətləşdim, hal-əhvallaşdım, dərdləşdim…
Eyni zamanda, Şəhidimizin anası Sənubər Yaşa qızı Teymurovaya Qubanın İkinci Vətən Müharibəsi Şəhidlərindən olan Miqdad Abduləlimovun anası Tünzalə Abduləlimovanın rəhbəri olduğu “Vətən Naminə” Şəhid ailələrinə Dəstək İctimai Birliyinin təsis etdiyi “Şəhid anası” medalı və vəsiqəsini təqdim etdim…
Şəhidimizin anası da öz növbəsində “Vətən Naminə” təşkilatına və Tünzalə xanıma təşəkkürünü bildirdi…
Bu yerdə qeyd edim kimi, bu gün həm də Şəhidimizin bacısı Nərgiz xanım doğum günüdür…
Fürsətdən istifadə edib Şəhid bacısını da doğum günü münasibəti ilə təbrik etdim, Şəhid qardaşının ruhunun daim ona, ailəsinə kömək olmasını arzuladım…
Allah səbrlərini versin!
FOTOLAR:
19:48
***
Kamil HƏMZƏOĞLU (HƏMİDOV)
Etikxeber.az
