“Tofiq Yaqublu “City Hospital”a köçürülüb, mənim şəxsi nəzarətimdədir…”-ADİL QEYBULLA

Tofiq Yaqublu aclıq etdiyi Bakı İstintaq Təcridxanasından “City Hospital”a köçürülüb. Mənim şəxsi nəzarətimdədir. Ona venadaxili infuziya edirik, bəzi vitaminlər köçürürük.

Etikxeber.az xəbər verir ki, bunu həkim Adil Qeybulla deyib.

O, ölkə rəhbərliyinə də təşəkkür edib:

“Ötən gün mən ölkə rəhbərliyindən mətbuat vasitəsilə xahiş etdim ki, Tofiq Yaqublunun səhhəti ilə bağlı onu mülki xəstəxanaya köçürsünlər, müayinə edə bilək. Ölkə rəhbərliyi də bu xahişi nəzərə aldı, humanizm nümayiş etdirdi, minnətdarlığımı bildirirəm. İnşallah, digər hüquqi prosedurlar həll yolunu tapar”.

Qeyd edək ki, dünən həkim A. Qeybullanın T.Yaqublunun ailəsinin müraciəti əsasında təcridxanada onu müalicə etməsinə şərait yaradılıb.

Qeyd edək ki, T.Yaqublunun ailəsi və vəkilləri onun aclıq etdiyini açıqlayıb.

Nizami rayon Məhkəməsinin hökmü ilə T. Yaqublu xuliqanlıqda təqsirli bilinərək 4 il 3 ay azadlıqdan məhrum edilib (APA).

Etikxeber.az