Türkiyə və Rusiya nümayəndə heyətləri Ankarada İdlibdəki vəziyyəti-MÜZAKİRƏ ETDİ…

İdlib bölgəsindəki vəziyyəti müzakirə etmək üçün Türkiyə və Rusiya nümayəndə heyətlərinin Ankarada növbəti görüşü keçirilib.

Etikxeber.az Türkiyə Xarici İşlər Nazirliyinə (XİN) istinadla xəbər verir ki, Rusiya tərəfinin tələbi ilə keçirilən görüşdə dərhal atəşkəsin elan edilməsi, gərginliyin azaldılması və rejimin Soçi razılaşması üzrə sərhədlərə çəkilməsi məsələləri müzakirə olunub.

Xatırladaq ki, Türkiyə və Rusiya nümayəndə heyətləri bundan əvvəl Ankara və Moskvada İdliblə bağlı danışıqlar aparıblar.

İki ölkənin nümayəndə heyətləri dünən və iki gün əvvəl Türkiyənin XİN-də bir araya gələrək İdlibdəki vəziyyəti təkrar müzakirə ediblər.

Etikxeber.az