“Twitter”də Trampın hesabının bərpası ilə bağlı-SORĞU APARILIR…

“Twitter“in sahibi İlon Mask sosial şəbəkə istifadəçilərini ABŞ-ın keçmiş prezidenti Donald Trampın hesabının bərpası ilə bağlı sorğuda iştirak etməyə dəvət ediblər.

Etikxeber.az-ın xəbərinə görə, bu barədə Mask, “Twitter“də səsvermə keçirir.

“Keçmiş prezident Trampı bərpa edin” adlı sorğuda cavablardan “bəli” və ya “yox” seçə bilərsiniz.

Sorğu bir gün davam edəcək.

Mask həmçinin popkorn emojisini əlavə edərək “Vox populi vox Dei” yazıb.

Qeyd edək ki, latın dilindən bu söz “xalqın səsi Allahın səsidir” kimi tərcümə olunur.

Etikxeber.az