Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
27 Sentyabr-Anım Günü ilə əlaqədar Ucar rayonunda Vətən uğrunda canından keçən Şəhidlərin əziz xatirəsi dərin hörmət və ehtiramla yad olunub.
Etikxeber.az xəbər verir ki, Anım Günündə Şəhid ailələri və Qazilər, rayon rəhbərliyi, hüquq-mühafizə orqanlarının əməkdaşları, idarə, müəssisə və təşkilat rəhbərləri, ziyalılar, təhsil işçiləri, məktəblilər və ictimaiyyət nümayəndələri iştirak ediblər.
Əvvəlcə Ucar rayon Şəhidlər Xiyabanında Vətən şəhidlərinin məzarları ziyarət olunub.
Şəhidlərin məzarları üzərinə tər qərənfillər düzülüb, ruhlarına dualar oxunub və onların əziz xatirəsi ehtiramla yad edilib.
Daha sonra rayon Mədəniyyət Sarayının qarşısında Şəhidlər Abidəsi və Hərbi-Vətənpərvərlik Kompleksinin açılış mərasimi keçirilib.
Ucar rayon İcra Hakimiyyətinin başçısı Mənsur Məmmədov abidə önünə qərənfillər düzüb.
Dövlət Himni səsləndirilib.
Çıxışlar edilib.
Çıxışlarda Şəhidlərin Vətən qarşısındakı misilsiz xidmətlərindən, onların qəhrəmanlığından və göstərdikləri şücaətin gələcək nəsillər üçün örnək olmasından danışılıb.
İcra başçısı Mənsur Məmmədov, Şəhid ailələri və rayon ziyalıları çıxış edərək Vətən uğrunda canından keçən qəhrəmanların xatirəsinin daim yaşadılmasının hər birimizin mənəvi borcu olduğunu vurğulayıblar.
Məktəblilərin təqdim etdiyi vətənpərvər ruhlu şeirlər tədbirə xüsusi duyğusal ovqat qatıb.
Sonda Vətən uğrunda Şəhid olan qəhrəmanların əziz xatirəsi bir dəqiqəlik sükutla yad edilib.
Etikxeber.az
