UEFA Çempionlar Liqasında 1/8 final mərhələsi başlayır-BU GÜN

UEFA Çempionlar Liqasında (ÇL) iki aylıq fasilə başa çatır, bu gün 1/8 final mərhələsinə start verilir.

Etikxeber.az məlumat verir, ilk oyun günündə iki qarşılaşma baş tutacaq.

Turnirin son çempionu İngiltərə “Liverpul”u İspaniyada “Atletiko”nun qonağı olacaq.

Madrid təmsilçisinin heyətində Kiran Trippye və Ektor Errera zədə səbəbindən görüşü buraxacaq. Hücumçular Joao Feliks və Dieqo Kostanın iştirakı isə sual altındadır. Qonaqlarda isə Cerdan Şakiri zədəlidir, aparıcı futbolçu Sadio Manenin durumu isə bəlli deyil.

Günün digər matçında “Borussiya” (Dortmund) Almaniyada Fransa PSJ-sini qəbul edəcək. Hər iki komanda meydana itkilərlə çıxacaq. Meydan sahinlərinin əsas futbolçularından Marko Roys və Tomas Deleney zədəlidir.

Yulian Brandtın durumu oyun vaxtı bəlli olacaq. Paris klubunda Abdu Diallo, Kolin Daqbanın zədə səbəbindən matçda iştirak etməyəcəyi dəqiqdir. Kimpembe və Neymarın durumu isə bilinmir.

Komandalar arasındakı cavab oyunları martın 11-də olacaq.

24:00. “Atletiko” (Madrid, İspaniya) – “Liverpul” (İngiltərə) 

Baş hakim: Şimon Marçinyak (Polşa) 

“Vanda Metropolitano” 

24:00.  “Borussiya” (Dortmund, Almaniya) – PSJ (Fransa) 

Baş hakim: Mateo Laos (İspaniya) 

“Siqnal İduna Park”

Etikxeber.az

Read Previous

Bahar Muradova-“MÜNHEN ZƏFƏRİ”NDƏN YAZDI…

Read Next

“Sədərək” Ticarət Mərkəzində-YANĞIN – FOTOLAR- YENİLƏNİB – (3)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir