Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Çində gələn həftə qış olimpiadası başlayacaq. Məlumdur ki, ta qədimdən olimpiada dövründə müharibələrə ara verilməsi ilə bağlı çağırışlar olurdu. Bu çağırışlar heç də hər zaman eşidilmirdi. Yaxın tariximizdə – 2008-ci ildə Pekin yay olimpiadası başladığı günlərdə Rusiya ilə Gürcüstan arasında müharibə oldu və döyüşlər bir neçə gün çəkdi. İndi də vəziyyət oxşardır.
Beynəlxalq aləm Rusiyanın Ukraynaya hərbi müdaxiləyə hazırlaşmasından danışır. “Bloomberg” agentliyi bir neçə gün əvvəl belə xəbər yaymışdı ki, Çin lideri Tsi Tsinpin dostu Rusiya prezidenti Vladimir Putindən xahiş edib ki, olimpiada günlərində Rusiya Ukraynaya hərbi müdaxilə etməsin. Əlbəttə, Putin dostunun xahişini yerə salmamağa çalışacaq. Digər tərəfdən Vladimir Putinin özü də Çində olimpiadanın açılışında iştirak edəcək.
Etikxeber.az xəbər verir ki, bunu politoloq Elxan Şahinoğlu qeyd edib.
O, bildirib ki, ancaq Ukrayna ordusu ərazi bütövlüyünü təmin etmək istəyərsə, Putin düşünmədən hərbi müdaxilə planını işə salacaq.
“Buna baxmayaraq, Çinin BMT-dəki nümayəndəsi Çjan Tsyun ölkəsi adından beynəlxalq aləmə bir daha müraciət edərək olimpiada günlərində sülhə riayət edilməsi gərəkliyini xatırladıb. Pekin Moskva ilə yanaşı Vaşinqtondan da oxşar xahiş edib. Çinin xarici işlər naziri Van İ amerikalı həmkarı Entoni Blinkinə zəng edərək Pekinin Ukrayna böhranının “Minsk razılaşması” əsasında həllinə dəstək verdiyini bildirdi. Van İ “Minsk razılaşmasının” BMT Təhlükəsizlik Şurasının da dəstəklədiyini xatırladıb.
Yəni, Van İ bununla demək istəyib ki, müharibə başlasa bunun günahkarı Rusiya deyil, “Minsk razılaşmalarını yerinə yetirməyən” Ukrayna və onun arxasındakı ABŞ olacaq. Əslində sülh çağırışları Pekinin özünə də aiddir. Çinin hərbi gəmiləri Tayvana yaxın məsafədə üzürlər, Hindistanla sərhədin dağlıq hissəsinə əlavə qüvvələr toplayıblar, üstəgəl də uyğurların zorla “əmək düşərgələrində tərbiyələndirilməsi” siyasəti davam edir”–deyə, politoloq əlavə edib.
Etikxeber.az
