“Ümid edirik ki, Ermənistan hökuməti tərəfindən verilən son müsbət mesajlar yalnız sözdə qalmayacaq, əməli istiqamətdə də müsbət nəticələr əldə edəcəyik”-CEYHUN BAYRAMOV

Bir neçə gündən sonra Vətən müharibəsinin başa çatmasının bir ilini qeyd edəcəyik. Xorvatiyalı həmkarımla müzakirələrimizdə üçtərəfli bəyanatların imzalanması, regionda yaranan yeni reallıqlar və onun perspektivləri müzakirə olunub. Azərbaycanın apardığı işlər barədə həmkarımı məlumatlandırdım.

Etikxeber.az-ın xəbərinə görə, bu barədə Azərbaycanın Xarici işlər naziri Ceyhun Bayramov xorvatiyalı həmkarı ilə birgə mətbuat konfransında bildirib.

O, deyib ki, Xorvatiyanın təcrübəsi nəzərə alınaraq, post-münaqişə dövründə məcburi köçkünlərin geri qayıtması, reinteqrasiya məsələləri müzakirə olunub:

“Dost və tərəfdaş şirkətlərin azad olunmuş ərazilərdə fəaliyyətini müzakirə etdik. Xorvatiya ilə minatəmizləmə sahəsində əməli işlər aparılır, müvafiq avadanlıqlar sifariş edilib və onlar Azərbaycana çatdırılır”.

Nazir bildirib ki, görüşdə beynəlxalq hüququn norma və prinsiplərinə əsasən, Azərbaycanla Ermənistan arasında münasibətlərin normallaşması, bəyanatların müddəalarının reallaşmasının labüdlüyü vurğulanıb:

“Razılaşmanın vacib hissəsi olan kommunikasiyaların açılması ilə bağlı üçtərəfli komissiyanın bu gün Moskvada iclası keçirilir”.

C. Bayramov indiyədək Ermənistan tərəfindən ziddiyyətli bəyanatlar verildiyini, üçtərəfli komissiyanın iclaslarının bir müddət dayandırıldığını bildirib:

“Ümid edirik ki, Ermənistan hökuməti tərəfindən verilən son müsbət mesajlar yalnız sözdə qalmayacaq, əməli istiqamətdə də müsbət nəticələr əldə edəcəyik”.

Etikxeber.az

Read Previous

Millət vəkili hansı qanun layihəsinin qəbulu üçün-YAP-DAN DƏSTƏK İSTƏDİ VƏ ONA NƏ CAVAB GƏLDİ?

Read Next

“Qarabağın “yaşıl enerji” zonasına çevrilməsi prosesində Zəngilanın xüsusi rolu var və olacaq”-MİLLƏT VƏKİLİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir