Ünvanlı dövlət sosial yardımı ilə bağlı nə, necə dəyişəcək?-EKSPERT BİR DAHA AYDINLIQ GƏTİRDİ

“Ünvanlı dövlət sosial yardımı haqqında” qanun yenə dəyişəcək.

Qanunda ən əhəmiyyətli dəyişiklik sosial yardımın təyin olunması müddətinin 2 ildən 1 ilə salınmasıdır. Bu dəyişiklik ilk baxışdan neqativ təsir bağışlasa da, əslində pozitiv dəyişiklikdir.

Sosial yardımın təyin olunması müddətinin çox olması həm yardımı alanda, həm də onu təyin edəndə arxayınçılıq yaradır. Belə ailələrin yoxsulluq girdabında yaşamağa razılaşması rəsmiləşir, onlar həyatlarını dəyişməyə cəhd göstərmirlər.

Ən əsası müddətin çox olması yardımı təyin edən müfəttişlərin də (Allah eşqinə kimsə deməsin ki, yardımı müfəttiş yox, elektron sistem təyin edir) əlinə manipulyasiya üçün əlavə imkanlar verir, rüşvətə imkan yaradır.

Qeyd edim ki, 2006-cı ilin iyulunda yardım verilməyə başlayanda sosial yardımın müddəti 6 ay idi.

Bu, çox doğru yanaşma idi, müddət nə qədər az olarsa, yardıma müraciət edən və onu təyin edəndə bir o qədər məsuliyyətli olar.

Sonradan müddət əvvəlcə 1 ilə çatdırıldı, sonradan Səlim Müslümov bu müddəti 2 ilə çatdırmaqla gül vurdu.

Digər bir dəyişklik təklifi sosial yardım təyin edildikdən sonra ailənin gəlirlərində dəyişiklik baş verdikdə, bu barədə məlumatın verilməsi müddəti ilə bağlıdır.

Əvvəllər bunun üçün 7 gün nəzərdə tutulmuşdu, indi 15 gün təklif olunur.

Qanuna təklif olunan digər dəyişikliklər əsasən redaktə xarakterlidir, bəzi məsələlər sosial yardımın verilməsini tənzimləyən qaydalarda olsa da, qanunda yox idi, bu boşluğun aradan qaldırılmasına hesablanılıb.

Məsələn, “İnzibati icraat haqqında” qanunun sosial yardımı tənzimləyən qanunvericilik aktlarının siyahısına daxil edilməsi, yardıma hüququ olan şəxslərin siyahısının dədqiləşdirilməsi və sair.

Bir məsələ var ki, “Ünvanlı dövlət sosial yardımı haqqında” qanun konkret hüquqi çərçivələri müəyyənləşdirir, ünvanlı dövlət sosial yardımının təyini, verilməsi, imtina və digər bu kimi məsələlər Nazirlər Kabinetinin təsdiq etdiyi “Ünvanlı dövlət sosial yardımın alınması üçün müraciət edilməsi, onun təyin olunması, verilməsi və verilməsindən imtina edilməsi Qaydaları” ilə tənzimlənir.

Ancaq belə görünür ki, qanuna dəyişikliklər təsdiq olunduqdan sonra qaydalarda da ciddi yumşalmalar olacaq, bu yardım növünə əlçatanlıq artırlacaq.

Milli Məclisin Əmək və sosial siyasət komitəsinin sədri Musa Quliyevin alimentlər və kreditlərlə bağlı mətbuata açıqlaması da bu fikri təsdiq edir.

Qalib TOĞRUL,

Ekspert

Etikxeber.az


Read Previous

“İntizam Komissiyası o demək deyil ki, Milli Məclisin üzərinə “Domokl qılıncı”nı çəkməlidir”-İNTİZAM KOMİSSİYASININ SƏDR MÜAVİNİ FƏZAL AĞAMALI

Read Next

DTX nazir müavininin həbs görüntülərini-YAYDI – FOTO-VİDEO

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir