Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün daha bir Vətən sevdalımızın, İkinci Vətən Müharibəsi iştirakçılarından olan müharibə veteranı Səbuhi Fuad oğlu Əliyevin özəl-gözəl günüdür…
Bu gün Vətən sevdalısı, İgid, Qəhrəman Səbuhinin doğum günüdür…
Özü də onun yubiley doğum günüdür, 25 yaşı tamam olur…
Onunla da səhv emirəmsə, 2023-cü ildən tanışam…
Şəhid məclislərində, Şəhidlərimizə həsr olunmuş tədbirlərdə bir neçə dəfə görüşmüş, bir araya gəlmişəm onunla…
Söhbətləşmişəm, hal-əhvallaşmışam…
Və görmüşəm, duymuşam ki, çox səmimi, mehriban, sadə, mədəni, utancaq, ağıllı, böyük-kiçik yeri bilən və vətənpərvərdir…
Həm də çox təvazökardır, bəziləri kimi heç zaman başqalarını itələyib önə keçmir, “mən də varam” demir, özünü reklam etmir, sadəcə, bir kənardaca sakitcə dayanıb izləyir, seyr edir…
Elə Səbuhidə sevdiyim ən gözəl keyfiyyətlərdən biri də budur-təvazökarlığı…
Və qeyd etdiyim kimi, Vətən sevdalımızın, üç medallı müharibə veteranımızın, Qazimizin bu gün doğum günüdür…
Onu bu əlamətdar, özəl günü münasibəti ilə həm özüm, həm də hər zaman yanlarında olduğu Şəhid analarının, xüsusilə, Elvira Ananın adından təbrik edir, ona şəxsi, ailə, iş həyatında uğurlar, nailiyyətlər diləyirəm…
Bildiyim qədər həm də subaydır…
Ona gözəl, xoşbəxt ailə, səadətli ailə həyatı arzulayıram!
Allah qorusun!
25 yaşı, doğum günü mübarək olsun!
Kamil HƏMZƏOĞLU (HƏMİDOV)
Etikxeber.az saytının rəhbəri
