Vaşinqtonda 12-ci Parlament Forumunda Azərbaycanı kim təmsil edəcək?

Dekabrın 6-da Vaşinqtonda Kəşfiyyat-Təhlükəsizlik üzrə 12-ci Parlament Forumu keçiriləcək.

Tədbirdə Milli Məclisin (MM) Beynəlxalq münasibətlər və parlamentlərarası əlaqələr komitəsinin sədri Səməd Seyidov iştirak edəcək.

Etikxeber.az-a MM-dən daxil olan məlumata görə, Forumda Hökumətlərin və özəl sektorun terrorçuluğun maliyyələşdirilməsi əleyhinə fəaliyyəti, kibertəhlükəsizlik, şəxsi həyat və məlumatların paylaşılması, xarici sərmayə riskləri və digər mövzularda fikir mübadiləsi aparılacaq.

S. Seyidov müzakirə olunacaq mövzularda çıxış edəcək, məsələlərə münasibətini bildirəcək.

Kamil HƏMZƏOĞLU
Etikxeber.az