“Virus təhlükəlidir, ancaq özümüzdə də günah var: qoruyucu maskalardan yetərincə istifadə etmirik, karantin rejiminin tələblərinə lazımi səviyyədə məhəl qoymuruq, vaxtından əvvəl arxayınlaşmışıq…”-ELNUR ALLAHVERDİYEVDƏN ÇAĞIRIŞ

Üç aya yaxındır ki, dövlətimiz görünməyən düşmənlə – yeni növ koronavirus pandemiyası ilə mübarizə aparır. Başda cənab Prezidentimiz İlham Əliyev olmaqla hökumətimiz bu bəlanın xalqımızdan yan keçməsi üçün maksimum səylər göstərir. Bu mübarizədə xalq, cəmiyyət və dövlət olaraq böyük uğurlara imza atmışıq. Vaxtında görülmüş tədbirlər və elan olunmuş karantin rejimi hesabına pandemiyanın fəsadları dünyanın digər dövlətlərindəkitək miqyaslı deyil, itkilərimiz isə minimum səviyyədədir.Pandemiya iqtisadiyyata və vətəndaşların rifah halına böyük zərbədir.

Etikxeber.az xəbər verir ki, bunu millət vəkili Elnur Allahverdiyev deyib.

O, qeyd edib ki, dövlətimiz bu itkilərin aradan qaldırılması istiqamətində tədbirlər görür. Bununla belə, cəmiyyət və dövlətin ayaqda dayanması üçün iqtisadiyyat fəaliyyət göstərməlidir. Bunun üçünsə müvafiq şərait olmalıdır.

“Təəssüf ki, karantin rejiminin yumşaldılması gözləmədiyimiz nəticələr hasil edir. Covid-19 virusuna qalib gəlirik deyə ümid edərkən pandemiyanın qurbanlarının və ona yoluxanların sayında artım müşahidə olunur. Etiraf etməliyik ki, virus təhlükəlidir, ancaq özümüzdə də günah var. Qoruyucu maskalardan yetərincə istifadə etmirik, karantin rejiminin tələblərinə lazımi səviyyədə məhəl qoymuruq, vaxtından əvvəl arxayınlaşmışıq. Bildiyiniz kimi, Nazirlər Kabineti yanında Operativ Qərargahın qərarı ilə həftəsonu günlərini evlərimizdə keçirməli, şəhər və küçəyə çıxmamalı və bununla da virusun yayılmaması üçün öz vətəndaşlıq borcumuzu yerinə yetirməliyik. Ailələrimiz və övladlarımız, valideyinlərimiz və yaxınlarımız, cəmiyyətimiz və dövlətimiz naminə. Millət vəkili olaraq mən də öz növbəmdə xahiş və çağırış edirəm: gəlin dövlətin tətbiq etdiyi və bizim sağlamlığımız üçün edilən məhdudiyyətlərə riayət edək.Biz birlikdə güclüyük!”-deyə, o, əlavə edib.

Etikxeber.az

Read Previous

“Hər bir məsələyə həssas yanaşılır və qaldırılan problemlər yaxın zamanlarda təhlil edilib, aidiyyatı strukturlar qarşısında qaldırılacaq”-DEPUTAT SEÇİCİLƏRİ İLƏ BİR ARAYA GƏLDİ – FOTOLAR

Read Next

“Teatrın rəhbərliyinə bu gündən “müharibə” elan edirəm…”-ƏMƏKDAR ARTİST

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir